張家輝欽點 床戰劉心悠

張家輝首次執導電影便邀得台灣美女劉心悠演出,他大讚對方是「尤物奇葩」,還為她安排了一場「全面性嚴重的床戲」,當大家都對邊位有艷福的男演員好奇之時,心悠欲言又止,幾經追問下家輝終自爆:「係我嚟o架!」



劉心悠雖然素顏到場,但仍然沒有跌Watt,難怪被家輝欽點「上床」!

七料影帝張家輝首次自導自演新片《盂蘭神功》,昨日他率領演員劉心悠和吳家麗出席記者會。家輝透露邀得兩位重要人物參與演出感到高興,並形容二人貴為影壇「尤物奇葩」相當難得,他說:「我發現近年好多電影握殺咗本地女演員演出,我認我係有偏心和私心,所以同馬來西亞投資方極力爭取本地演員演出,今次係一部重口味的全鬼片。」他又透露戲中為心悠安排了「全面性」的床戲演出:「其實係配合戲中人物性嘅發展,唔係要賣弄啲乜,識我咁多年都知我係實務型。」

賣口乖讚「尤物奇葩」

問心悠被稱「尤物奇葩」的感覺,她笑說:「受寵若驚,我好驚訝佢當我係本土演員,我好開心。其實我喺台灣過嚟o架!」問心悠究竟與誰演出床上戲,心悠表現得有口難言,幾經追問下在旁的家輝終按捺不住自爆:「係我嚟o架,咁得未吖?係一場『嚴重』嘅床戲!」問到心悠拍攝鬼片,會否擔心難以抽離角色?她說:「冇諗呢啲,只想演好角色。」家輝續說:「呢啲嘢等我來孭,精神有問題呢啲,我孭慣。」


家輝首次自導自演,自然特別緊張。

劉心悠(左)與吳家麗將在片中擦出火花。

吳家麗畀面扮阿媽

至於現年49歲的吳家麗,透露在戲中飾演張家輝(45歲)的母親,她笑說:「哈哈,生得幾大個仔……為咗支持佢初次執導,所以參與演出。」她透露過往曾與林正英合作拍鬼片,試過凌晨4時在片場看到一個跟自己打扮一模一樣的女士,細問下發覺片場根本沒安排她的替身,令她至今仍感難忘。

文:影視組

家輝搞鬼
心悠床戰家麗


■吳家麗(右)低胸現身,令心悠BB嘅風頭被搶。

張家輝首部執導嘅電影《盂蘭神功》,下月就會喺大馬開拍,噚日喺柴灣做第一次宣傳。家輝仲同埋佢口中講嘅兩位「尤物奇葩」,即係劉心悠同埋依然風騷嘅吳家麗一齊出現,不過心悠BB嘅素顏就輸晒畀演家輝媽媽、着晒低胸裝嘅家麗姐喇。
做導演兼演員嘅家輝話老闆原本想佢拍警匪片,但家輝就想拍啲新穎題材,佢話:「呢部戲係一部好陀地,唔係扮發夢、發神經嗰啲合拍片,總之就係重口味同驚嚇。」搵得兩位尤物演出,唔知會唔會有激情場面呢?家輝笑笑口話:「當中除咗表現到佢哋嘅演技,仲會有啲全面性床戲㖭。」


■張家輝首次執導,笑住話新戲非常重口味。

家麗自爆撞鬼

心悠BB話有份演出受寵若驚,仲好多謝家輝當自己係本地演員,而家麗姐就話家輝第一次做導演當然要支持:「睇香港電影成長嘅我哋,𠵱家好應該貢獻番,拍番多啲畀𠵱家呢一代嘅香港人睇。」仲話當年拍鬼片疑似撞鬼,驚到不得了都要死頂開工。
撰文:馮仁昭

    tvb4life 發表在 痞客邦 留言(0) 人氣()