樣靚身材正的朱璇, 174cm高有長腿、電眼兼煞食笑容,一直被網民封為女神,叫佢「朱璇 BB」。 

封面

專黐有錢人 朱璇夜陪大陸已婚富豪

最近朱璇出鏡率超高,上週四劇全中,由下午重播的《隔籬 7日情》,一路殺到去夜晚九點半的《仁心解碼Ⅱ》,即使朱璇連廣東話都未講得正,不過洗腦式出現已成功令宅男捧佢為朱璇 BB,升呢與陳嘉桓、陳法拉等睇齊。
不過 08年華姐奪冠的朱璇,點會只滿足於做宅男女神。法國留學回流的朱璇,一直努力不懈向上游,除了跟家族資產過百億、年僅 30歲的徐楓細仔湯珈鋮傳緋聞外,上週更被本刊直擊朱璇陪內地富豪宵夜飯局。努力拓展人脈,朱璇絕非池中物呀!

 

26歲的朱璇出道 5年,曾說:「如果我現實啲,可能已經發咗!」,她亦承認志不在電視台:「世界咁大,就算畀晒啲主角、大明星我做,但日日只係做,未出去睇過個世界,我死咗都唔甘心。」

宵夜飯局

用電視台做踏腳石,朱璇反而更努力去擴闊人脈,上週三( 10日),朱璇出席完曾志偉的 60歲大壽派對後,便由在內地以經營哥爾夫球用品及做紅酒生意起家、現住市值過 8,000萬的中半山富滙豪庭的北京富豪李本勝,出動豪華 7人車接載,跟歌手巫啟賢一齊到銅鑼灣橋底辣蟹宵夜飯敍,一行人由夜晚 11點半一路傾至凌晨一時始離開,李姓富豪更叫司機車埋朱璇到位於將軍澳的首都寓所。
熱衷認識富豪,其實朱璇 09年已極速被住山頂的富貴名導演楊凡睇中,於其執導的電影《淚王子》中擔正做女主角,與張孝全做對手。雖然套戲令朱璇獲提名「最佳新演員」,但最大收穫相信係經楊凡介紹下,朱璇成功識到身家過百億的湯臣集團副主席、一代俠女影后徐楓的兒子湯珈鋮,朱璇 11年跟湯珈鋮更結伴去睇五月天演唱會任傳媒影相,似足女友。


上週三( 10日)巫啟賢(小圖)偕內地富商老友李本勝出席曾志偉的生日派對,走時兩人專登等埋朱璇,但朱璇說:「我嗰日第一次見佢哋。」 

豪車接載之後朱璇和巫啟賢成班人齊齊上了李本勝價值約 50萬的七人車去宵夜,而李本勝的太太 BoBo(左小圖)原來亦全程傍實朱璇,十足貴賓式款待。 

一行人於銅鑼灣橋底炒蟹食宵夜,至約凌晨 1時,高人一等的朱璇與全頭白髮的巫啟賢一直有講有笑。 

李本勝住在市值超過 8千萬的中半山富匯豪庭,月租亦要 12萬起跳。 

愛識名人炫富

內地富商李本勝,為北京匯豐洲投資有限公司董事長,業務包括紅酒生意及哥爾夫球用品生意,又於北京投資哥爾夫球場,亦有在港開設高檔紅酒銷售公司,平日愛結識圈中人,尤其與巫啟賢更稱兄道弟,經常結伴外出、經常中港兩邊走的李本勝,現更居於市值超過 8千萬的中半山富匯豪庭。


身為董事長的李,閒時愛在微博上炫富,他經常上載同明星的合照外,亦經常大 show名表、紅酒等。 

 

李雖為已婚人士,但微博中所關注的大部分為女性,其中關注不少圈內女星,如曾同林峯拍拖的潘霜霜和曾跟黄宗澤傳緋聞的倪晨曦,亦被佢「關注」。

認百億富二代做契哥

出道 5年的朱璇一直零緋聞,唯一在 11年被拍得與一代金馬影后徐楓之子、湯臣集團太子爺湯珈鋮睇騷,湯珈鋮之父為湯臣集團創辦人湯君年,家族資產超過百億,現年 30歲的湯珈鋮一直被視為城中極級筍盤,雖然 11年時有傳他秘密於小島結婚,但湯極速於自家微博內否認,堅持單身。


徐楓細仔湯珈鋮11年朱璇與湯珈鋮結伴睇五月天演唱會,事後二人堅持只是契兄妹關係。《蘋果日報》圖片 

投資開戲由湯珈鋮揸 fit的大國豐臣娛樂公司,經常搞演唱會和投資電影, 06年邀得張栢芝拍電視劇《周璇》,金馬影后徐楓亦有探班。 

冧掂湯珈鋮


朱璇雖然志不在電視台,但每年台慶,朱璇仍會悉心打扮亮相, 11年一套 deep V晚裝更加攞命。《蘋果日報》圖片 

據知朱璇埋到百億鑽石王老五身邊,原來早年留學法國的楊凡是伯樂。由於朱璇樣靚兼在法國讀戲劇表演回流,一口流利法語對答有禮,故甚得楊凡老友徐楓姐姐歡心,於是徐再將朱璇介紹給乖仔認識,一心撮合乖仔跟朱璇行埋,雖然事後朱璇堅決否認拍拖:「佢(湯)只係有演唱會飛請我去睇,我哋冇拍拖,佢亦冇追我,再繼續傳緋聞,我驚以後嫁唔出。」只肯對外認做湯珈鋮契妹的朱璇,已踏出向上游第一步。

「啲 feel未到」

對於密會內地富豪,朱璇週一( 15日)在電話中以半鹹淡廣東話說:「我嗰日係同 BoBo(富豪老婆)聚舊咋,我哋 10年做婚紗活動時識嘅,我唔識佢老公(李本勝)同巫啟賢㗎。」
對於跟湯珈鋮的緋聞,朱璇續說:「我當佢契哥咋,一年都係食幾次飯,佢都成日唔得閒,其實我揀男友唔一定要有錢嘅,可能啲 feel未到啦,我都 3年冇拍過拖!」朱璇個 phone list又可以多個富豪電話啦!

華姐粵語多蝦碌

無綫花旦唔夠人,連帶一班廣東話都未講正的華姐都要急急推上熒幕,除了朱璇在《女警愛作戰》中鬧翟威廉時幾乎一句聽唔明外,其餘新晉華姐包括岑麗香、苟芸慧等,除咗講嘢唔正,中文更加水皮,結果經常蝦碌爆笑。

 

華姐通病係講嘢唔正,朱璇亦唔例外,前週《女警愛作戰》中一幕,朱璇要好似機關槍咁開口鬧人,曾被觀眾話聽唔明佢講乜,睇嚟佢要喺廣東話再下苦功先得。

 

TVB缺人加上朱璇受網民好評,上週一晚有四劇《隔籬七日情》、《愛.回家》、《女警愛作戰》、《仁心解碼 II》均有朱璇出場,洗腦式出現朱璇即變 BB級,而將出街的《情越海岸線》,亦有朱璇份做配角。

岑麗香


我哋𠵱家磨豆腐!(真實對白) 

去年岑麗香同苟芸慧綵排台慶環節時,邊做動作邊說「我哋𠵱家磨緊豆腐。」說罷仍不知自己講錯嘢。

苟芸慧


賣奶賣奶,賣到年三十晚。(真實對白) 

10年在《千奇百趣香港地》節目中,苟芸慧竟將「賣懶賣懶賣到年三十晚」,讀成「賣奶賣奶」。

朱璇家底好

北京出世的朱璇家庭背景好,父母是法國回流北京的商人,有家底的她中學畢業便到法國留學讀戲劇, 16歲開始在內地及歐洲參加選美比賽,至 08年代表巴黎來港參選國際中華小姐奪冠入行, 10年獲導演楊凡賞識,接拍電影《淚王子》而獲提名金像獎「最佳新人獎」,其後除拍電視劇外,亦曾參演電影《抱抱俏佳人》及《第 6誠》、朱璇入行至今,一直低調甚少緋聞。


08年以一個冬菇頭 look參選華姐,當年香港代表係豬港姐張嘉兒,朱璇輕易奪冠。《忽然 1周》圖片 

曾於法國留的朱璇原來亦曾反叛過,手執香煙喺街頭影相。 

09年拍攝《淚王子》後,朱璇獲提名「最佳新演員」,同法拉一齊行紅地毯。《蘋果日報》圖片

採訪、撰文、攝影:娛樂組

    tvb4life 發表在 痞客邦 留言(0) 人氣()