Geek友講場

巨芒•靚攝•新 OS 手機閃亮 MWC 2013

2013年03月06日 ~~ 第302期 Face

每年 1月 喺美國舉行 嘅 CES國際消費電子展,本來都係手機界盛事,但係今年各大廠都以展出 AV產品為主,搞到手機迷勁失望!原來寶物沉歸底, 喺上星期西班牙巴塞羅那舉行 嘅 Mobile World Congress 2013( MWC世界流動通訊展),眾大牌終於有勁手機 show出 嚟見人,超勁大芒、特靚鏡頭,甚至新 OS都有,滿足晒班手機迷。
至於準備今年內換機 嘅朋友,更要睇定有乜心水喇!

spec.


雖然今次 MWC Samsung個 booth仍然用電視砌出勁壯觀布置,但主角始終落 喺手機身上,個個入場都係為摸吓部 Note 8.0。

系統: Android 4.1
處理器:四核心 1.6GHz、 2GB RAM
制式: 3.5G、 GSM
屏幕: 8" TFT 1,280× 800
鏡頭: 500萬(後)、 130萬(前)像素
記憶:內置 16/32GB、 microSDXC
體積: 210.8× 135.9× 7.95mm
重量: 338g
預計推出日期: 2013年下半年 

手機 tablet難分界 Samsung GALAXY Note 8.0


皆因 Apple例必唔會參與呢類電訊展,所以最矚目品牌當然係 Samsung,今年佢展出 嘅新機唔多,但一部 Note 8.0已夠殺!因為佢雖然大到成部 tablet咁,不過其實佢內置晒聽筒同咪,完全係一部手機,仲要係現今最大。可能你會話之前已出過 Note 10.1,但因為冇內置聽筒,講電話要用擴音功能,唔似 Note 8.0係真手機。有意見話 Note 8.0用 嚟打 7.9吋 嘅 iPad mini,但相信未來幾代 iPad mini都唔會講到電話喎!


冇花冇假,芒頂真係有聽筒(紅圈),唔使靠 speaker擴音,或用藍牙耳機通話。


差唔多個個試玩者都拎起 Note 8.0貼住耳仔扮講電話,極具霸氣!


8吋芒,一版足夠放 30個 apps, icon夠晒大粒,中間仲有唔少空位。

有四核冇 4G


部機叫得做 Note,梗係包埋支 S Pen,現場仲見佢有齊 Note II嘅懸浮預覽、多工運作等進階功能;亦由於佢有四核心 U加 2GB RAM,所以反應都好順。最可惜佢唔支援 4G,而且只用普通 TFT芒,連 Samsung自家 AMOLED都冇,屏幕線數只得 189ppi,輸畀現時高清手機郁 啲都過 300ppi嘅靚芒,畫面質素會及唔上 Note II等機咁靚。既然有可能係要減低生產成本,希望部機推出後唔會貴過 Note II啦!


咁大個芒用 嚟睇版面勁長 嘅網頁,就算唔放大都睇得清 啲字,只係普通 TFT芒 喺亮度同色彩上唔算好突出。


S Pen繼續有懸浮預覽功能,凌空指住相簿同部分 app,入面 嘅相、片同文字資料都會彈出放大畀你預覽。

S IV要等下週四


Note 8.0雖然勁,但應該更多人期待緊 Samsung GALAXY S IV, MWC冇佢蹤影唔緊要,事關 Samsung已定於 3月 14日 喺紐約舉行發布會,下週四 fans就知佢係乜料!


Samsung直頭 喺 MWC派發 3月 14日紐約發布會邀請信,雖然上面冇寫明咩機,但後來 Samsung高層已確認係 S IV!


暫時 S IV個樣仲好保密,網上只得預想圖流傳。

合體變 tablet Asus Padfone Infinity


將手機出到同 tablet分唔清界線 嘅廠商,又點只 Samsung一間, Asus亦係其中之一!不過佢唔係一味整大手機個芒咁簡單,仲會玩合體變身。其實呢個 idea早 喺半年前 嘅 Padfone 2已經出現,今次 MWC主打勁機,就係 Padfone後繼機 Infinity。平時佢只係一部 5吋芒 嘅普通手機,但當需要用到大芒時,就可以同 10.1吋機座合體,變成 tablet。唔想下下拎住 Note 8.0咁霸氣講電話的話, Infinity係幾好 嘅折衷方案。




只要將 Infinity手機插入 tablet座背部,兩者立即會合二為一,唔使再 set嘢。


MWC嘅 Padfone Infinity發布會講完一大輪部機有幾勁後,去到尾聲時公布定價高達 999歐羅,即時引起一陣嘩然!

spec.


系統: Android 4.2
處理器:四核心 1.7GHz、 2GB RAM
制式: LTE、 3.5G、 GSM
屏幕: 5" Super IPS 1,920× 1,080( 10.1" tablet座)
鏡頭: 1,300萬(後)、 200萬(前)像素
記憶:內置 32/64GB
體積: 143.5× 72.8× 8.9mm
重量: 141g
預計售價:約$10,235(連 tablet座)
預計推出日期: 4月


機身由金屬殼一體成形,幾型!但就冇得拆蓋換電同 microSD,好彩唔夠電時仲可以由 tablet座補給。


手機厚度只有 8.9mm,亦幾薄身好揸。


官方仲未公布 tablet座規格,未知係咪同手機一樣用全高清 Super IPS芒,現場人士就話個芒冇手機咁靚。

頂級規格賣過萬


除 咗合體, Padfone Infinity個 spec.都足以成為今屆 MWC話題,事關現時你數到最 top嘅手機規格佢都有齊。四核心 1.7GHz U加 2GB RAM、全高清 1,080p Super IPS靚芒、 1,300萬像素鏡頭,仲支援埋 4G添,真係一樣都冇少,唔怪得部機連 tablet座定價要 999歐羅(約 HK$10,235),絕對係全場最豪手機!雖然出機時應可以單獨買機而唔買 tablet座,但就會冇 咗部機 嘅特色,想真心玩勁機就要儲定錢喇!


試相
已經有外國傳媒拎到實機離開會場影試相, 1,300萬像素鏡頭唔只夠晒細緻,仲有 f/2.0大光圈,夜拍都夠清晰,而且曝光好準。另外仲影到每秒 8張連拍,唔只像素高咁簡單。


有四核 U加 2GB RAM,手機效能唔使擔心,從現場人士拍 嘅試玩片睇到反應真係勁順。

街頭民調




先達鋪老闆 Chris:「寧願渣 啲平 啲!」
「 Padfone Infinity部機真係好勁,但賣咁貴實在有 啲趕客,我寧願佢規格渣少少,然後賣平 啲,可能仲賣得。反而 Fonepad$2,000左右有咁大個芒,會多 啲入門客買喎!」 

激平 7吋手機 Asus Fonepad


Padfone Infinity之外, Asus仲 喺 MWC展出 咗另一部 Fonepad。雖然兩部機 嘅名好似,但定位完全唔同, Fonepad只係一部行單核 U嘅 3.5G Android機,鏡頭等規格都屬低階,所以預計售價只係$2,000左右。不過,佢 嘅亮點其實係 7吋 IPS靚芒,解像度亦有 1,280× 800,即係同 Note 8.0一樣,而且佢都係可以直接拎住塊大芒 嚟講電話,推出後將會係最平 7吋大芒手機。


Fonepad個屏幕細 Note 8.0 1吋,貼住耳仔講電話時,睇落雖冇咁誇張,但都極具霸氣!




spec.• Android 4.1.2•單核心 1.2GHz CPU• 3.5G、 GSM• 7" IPS屏幕• 300萬像素鏡頭•內置 8/16GB、 microSDHC• 196.4× 120.1× 10.4mm• 340g•預計售價:約$2,000( 8GB)/約$2,200( 16GB)•預計推出日期: 2013年第 2季

同場加映:四核 4G平板 Sony Xperia Tablet Z




今屆 MWC Sony嘅陣勢比較遜色,新機得一部 Tablet Z。注意,佢真係一部 10.1吋 tablet,打唔到電話 㗎!不過佢都係行四核 U,兼對應埋 4G上網同防水。機身厚度就只有 6.9mm,薄過好多手機,所以亦係一部唔可以忽視 嘅勁機。況且 16GB預計售價唔使$4,000,幾抵玩。 

spec.• Android 4.1•四核心 1.5GHz CPU• LTE、 3.5G• 10.1"屏幕• 810萬像素鏡頭•內置 16/32GB、 microSDXC• 495g•預計售價:約$3,890( 16GB)/約$4,670( 32GB)•預計推出日期: 2013年第 2季

前後鏡頭同時「攝」 LG Optimus G Pro




平板大手機 嚟緊大行其道,舊手機唔想被 out就要諗計突圍! Samsung同鄉 LG喺 MWC就以旗艦級手機 LG Optimus G Pro迎戰,最爆係首創前後置鏡頭同步畫中畫拍片,擺明針對堆平板大手機影相唔方便 嘅死穴,以強大攝力吸引用家注意。 

spec.


系統: Android 4.1
處理器:四核心 1.7GHz、 2GB RAM
制式: 4GLTE、 3.5G、 GSM
屏幕: 5.5" IPS 1,920× 1080
鏡頭: 1,300萬(後)、 210萬(前)像素
記憶:內置 32GB、 microSD
體積: 150.2× 76.1× 9.4 mm
重量: 160g
預計推出日期: 2013年上半年

創新雙芒畫中畫拍片


Optimus G Pro硬件規格豪華, 5.5吋 1080P全高清 IPS屏幕, 1.7GHz四核處理器,支援 4G LTE網絡之餘,電池容量更勝 Note 2有 3,140mAh!不過手機界規格戰爭白熱化,單靠硬件難以出位,所以 G Pro諗計食「軟」。全新 Dual Recording能夠同時用前後置鏡頭拍片,一邊影景另一邊畫中畫自拍,最 啱打機加旁白或自製旅遊特輯都得,花點心思你都可以做網絡短片達人。


Dual Recording示範,講老公唔使人幫手,都可以用前、後鏡頭 嘅畫中畫拍攝,拍到同老婆、囡囡吹生日蛋糕 嘅短片。


除 咗 G系列, LG喺 MWC仲公布 咗針對 GALAXY Note嘅 Vu系、主打經濟 4G機 嘅 F系同外形獨特 嘅 L系手機。

低像素新技術 全新 HTC One


主打攝影功能 嘅新手機仲有新 HTC One,咪睇小佢後置鏡頭只得 410萬像素,其實佢用上最新 UltraPixel技術,像素總數少 咗,但每粒影像 嘅面積就比以前大成倍,吸光量激增 300%!畫質會比一般手機好得多。暫時睇試相又真係靚過一般 410萬像素,部手機仲拎埋 MWC 2013最佳手機獎,新技術值得期待。




HTC One公布 嘅試相,景深表現都唔差,唔似 410萬像素,不過主打 嘅 3倍吸光量夜拍功能,就真係影過至知。


另一主打功能叫 HTC Zoe,按一下快門就可連拍 20張,再合成做出一人連環效果嘅相片。

spec.• Android 4.1• 1.7GHz四核處理器• LTE、 3.5G、 GSM• 4.7" 1080p屏幕• 410萬像素鏡頭• 137.4× 68.2× 9.3 mm• 143g•預計推出日期: 2013年 3月

體察民情  Nokia四子救基層




財爺扮中產傷害香港市民感情,應多向 Nokia學習關注低下階層!今次 MWC公布 4部新機,全部主打經濟實惠,首推 WP8新機 Lumia 720定價只係 249歐羅(約 HK$2,500);最平 嘅 Nokia 105更受擊節讚賞,只賣 15歐羅(約 HK$150),加上堅實外形令人想起不壞神機 3310,網民激讚 105係神之子,要買部傍身咁話,證明 Nokia做平機是對的! 

f/1.9蔡司大光圈 Lumia 720


Nokia繼續力撐 WP8,今次公布 嘅 Lumia 720比起已經推出 嘅旗艦級 Lumia 920規格上稍弱。配備雙核 1GHz處理器, 4.3吋 480× 800解像度屏幕,只屬中階水平。不過就用上 f/1.9大光圈 嘅 670萬像素蔡司鏡頭,以 249歐羅(約 HK$2,500)定價來說頗超值。


Lumia 720機身僅 9mm薄,為 Lumia家族入面最薄成員,機身設計就同過往相若。


試相
大光圈 f/1.9喺手機入面算少見高規格, Nokia仲話用上廣角鏡,自拍可以影到更多人。




spec.• Windows Phone 8• 1.GHz雙核處理器、 512MB Ram• 3.5G、 GSM• 4.3" TFT 800× 480屏幕• 670萬(後)、 130萬(前)像素鏡頭•內置 8GB• 127.9.2× 67.5× 9 mm• 128g•預計推出日期: 2013年 3月底 

地獄機王 Nokia 105




雖然話放棄,不過 Nokia仲有出 Symbian嘅平價機。今次地獄平機 Nokia 105用上乜 app都冇 嘅 S30系統,卻有長達 35日 嘅待機時間,加上 15歐羅(約 HK$150)震撼價!唔好講買 嚟掟,淨係當後備電話都抵。 

spec.• S30. GSM 1800/900• 1.4" LCD 128× 128屏幕•內置 8MB、支援 micro SD• 107× 44.8× 14.3mm• 70g•預計推出日期: 2013年上半年

千元 WP8 Nokia 520




基本規格同 720相若,屏幕縮小為 4吋,相機亦降格至 500萬像素非蔡司鏡頭。最大賣點係價錢, 139歐羅(約 HK$1,400),平試 WP8機首選。 

spec.• Windows Phone 8• 1.GHz雙核處理器• 3.5G、 GSM• 4" 800× 480屏幕• 500萬像素鏡頭• 119.9× 64× 9.9 mm• 124g•預計推出日期: 2013年 3月

玩 app平 Phone Nokia 301




同場仲有部用上 S40平台 嘅 301,有少少 app可以下載之餘,仲對應 3G HSPA上網,淨係想玩 WhatsApp可以揀佢。另外,佢支援雙咭雙待功能, 320萬像素相機都唔算太失禮,只售 85歐羅(約 HK$900)。 

spec.• S40• 3.5G、 GSM• 2.4"屏幕• 320萬像素鏡頭• 114× 50.2× 12.5mm• 100.5g•預計推出日期: 2013年上半年

亂世火狐  Firefox OS平價突入


智能手機 OS表面上變化不大, Android市佔贏晒, iOS繼續做一方霸主, WP8同 Blackberry 10就尚待發圍。不過戰局即將再起風雲,講 咗好耐 嘅 Firefox作業系統,終於有實機現身 MWC 2013。 Sony、中興等手機廠亦出機力撐,並以低階機搶攻平價市場, 喺當今機王群起鬥 spec.嘅潮流下,不失為一路奇兵,一齊睇吓呢隻亂世火狐有冇機會打破戰局平衡喇!

Google迫虎跳牆?


當日戰友,今日敵人, Firefox恍如義工,任人下載、任人開發 Add-ons。 Mozilla收入主要靠財團投資, Google如果關水喉, Mozilla必定損失慘重!

Firefox瀏覽器同 Firefox OS都係出自 Mozilla,當年 Firefox力抗 IE,令 Google十分欣賞,每年投資幾億美元,佔其收入達 85%!之不過, Google近年自己搞 Chrome瀏覽器,外國分析指 Mozilla意識到已經同 Google愈走愈遠,急需拓展收入來源所以搞 Firefox OS,絕對係迫不得已。 

首批火狐機


Firefox手機預計今年底登場, LG、 Sony、華為等大廠已開聲支持,會場內更有 Alcatel嘅 One Touch Fire同中興 ZTE部 Open現身。兩者規格只屬低階,但運行 FO已好流暢,可見其相當細食。另外,佢 嘅合作夥伴亦包括和記電訊,因此香港好大機會有 Firefox手機玩。不過龍頭 Samsung就表示暫冇興趣,話專心 Android就夠喇!

Alcatel One Touch Fire




法國公司 Alcatel推出 嘅 One Touch Fire採用低階規格, 3.5吋芒, 1GHz處理器配 256MB RAM, 320萬像素鏡頭,規格亮點不大。 

spec.• Firefox OS• 1GHz單核• 3.5G、 GSM• 3.5" 320× 480屏幕• 320萬像素鏡頭• 115× 62.3× 12.2mm•重量未公佈•預計推出日期: 2013年底

ZTE Open




基本配置同 One Touch Fire完全一樣,不過就唔用黑白傳統雙色而變得勁 colourful,並分藍色同橙色兩個版本。 

spec.• Firefox OS• 1GHz單核• 3.5G、 GSM• 3.5" 320× 480屏幕• 320萬像素鏡頭• 114× 62× 12.5mm•重量未公布•預計推出日期: 2013年底

HTML5架構 機能要求低


單睇 Firefox OS介面, icon一個個排出 嚟,同 iOS、 Android好似差不多。論概念, FO同 Android更接近,採開放形式,可供第三方開發者自由銷售 app。不過,睇真 啲 FO改用網頁開發 嘅 HTML5技術,每個 app( Web Apps)運作時好似用瀏覽器打開網頁咁。大部分運算改在雲端進行,大大減輕對手機硬件 嘅要求。官方公布 800mHZ單核處理器就行到,並會以經濟價格主打拉美、東歐、亞洲等新興經濟體為主。


Sony於會場公布 Android機 Xperia E運行 Firefox OS嘅影片,可見 FO兼容度極高,大部分行動裝置都用得到。


Firefox有自家 Marketplace之餘, Mozilla亦容許開發者、電訊商推出自己 app市集,主張開放、自由!


FO介面都係一個個 icon,每個 HTML5嘅 app都會雲端化,不過離線時都可以使用網頁 cache運作,唔會話上唔到網就用唔到。


Search功能強大,例如打電影名,不但可搜尋到相關網頁,仲可以搵到有關 嘅「 IMDB」等電影 app,一按下去就會直接開啟 app頁面。

開發者點睇




IdeasLab apps developer Anton:「易開發,欠信心」
「以前開發 iOS app要學 X Code, Android又要學另一套語言, Firefox OS用 HTML5對開發者而言易上手好多!不過始終係一個新 OS,用到相機等寫網頁冇 嘅功能可能會遇到難題。好在個 OS係為 HTML5度身訂做,唔會出現 facebook早排話 HTML5喺 iOS同 Android上反應慢 嘅問題。暫時我 哋信心一般,鬥平 嘅話已經有內地 Android機,市場未必容納到新 OS。」 

總結:新技術有驚喜




手機界近年鬥 spec.、鬥芒、鬥解像, CPU愈出愈多核,其實玩落分別唔太大。好彩今年 MWC幾多新點子,平板咁大部 嘅手機夠搶眼, HTC One低像素拍攝技術亦夠大膽!講前瞻仲有華為呢部 Ascend P2,聲稱係全球上網最快手機,支援速度達 150Mbps。不過暫時全世界都冇網絡商有 150Mbps網速,有機都冇網用,搞 show就係要有呢 啲未來機先好睇嘛! 

spec.• Android 4.1• 1.5GHz四核• 3.5G、 GSM• 4.7" 1,200× 720屏幕• 1,300萬像素鏡頭• 136.2× 66.7× 8.4 mm• 122g•預計推出日期: 2013年第一季

最 like LG新功能


《 FACE》 Gadget版監修人 903 DJ Donald

Note 8.0好玩呀!我應該單手拎到佢講電話,女士們就當 tablet用, win win! Asus PadFone Infinity嘅合體變 tablet概念都好,不過手機有 啲似 iPhone,而且連埋 tablet座賣成萬蚊,太貴喇!其實我最 like LG Optimus G Pro,前後兩個鏡頭可同時錄影,真正係未見過新功能,有趣!家中有初生 BB仔 嘅家長應該會好鍾意。 

撰文:陳兆奇、司徒港燊

    tvb4life 發表在 痞客邦 留言(0) 人氣()