向來戀愛大過天嘅鄭融,跟英國男友分隔異地,日前東姑就喺中環ifc撞到佢改約高妹朋友閒逛。兩女唔行名店,反而去間高檔茶店,仲行足半個鐘。

當日素顏上陣嘅佢,拎起各式各樣嘅茶葉起勢咁聞,繼而又問店員推介點樣沖和功效等,終成功o氹得佢扑槌,買咗大袋茶葉返屋企慢慢歎。有時唔夜蒲隊酒,歎吓茶都係唔錯嘅選擇。

試咗半個鐘,佢終於扑槌入貨。

鄭融連個蓋都要聞,搞到不慎變豬鼻。

男友不在港,鄭融只得跟女友人作伴行街。

tvb4life 發表在 痞客邦 留言(0) 人氣()