天花位安裝木條樑柱,可懸掛作品。三月中,電影海報會換成攝影展,唔幫襯都可入場參觀。

庶民飯堂

意菜展覽館

2013年02月28日 ~~ 第1199期 香港《壹周刊》

租金升到癲,連高檔西餐廳也被逼上工廈。三十出頭的 IT人 Matthew,與友人開設意大利餐廳,由於不甘天價鋪租而選址牛頭角工廈,就算客人要搭𨋢上 12樓,都靠用料靚打響名堂。

站得住腳,食物質素是關鍵。 Matthew放手俾主廚蔡師傅掌管食材採購,做過酒店總廚的蔡師傅不喜歡將貨就價,就連四十幾元午餐所用肉扒都是澳洲貨。意粉亦跟足酒店做法:不過冷河,風乾保留意粉表面的澱粉質,更容易掛上醬汁,吃時口感煙韌。店內所用汁醬均屬自製,包括新鮮香草與乾香草,亦會用西冷牛肉熬製純牛肉燒汁,而非像部分餐廳以豬或雞熬汁來魚目混珠。
Matthew諗頭多多,打算日後兼做私房菜、包場派對,最殺食一招是通知各大院校,可免費借出場地做畫廊、攝影展,更以優惠價包辦開幕酒會。此舉一出贏盡人心,變相免費宣傳。都話有諗頭乜都得,酒店房逐間賣都得啦。


燒極黑豬鞍扒配黑松露菌汁(午餐)$88
用加拿大黑毛豬,滑嫩多汁,同等分量的豬鞍扒,在港島區西餐廳定價起碼二百元。


路仙尼薄西冷牛扒(午餐)$42
澳洲西冷約五安士,肉味夠。午餐款式每日不同,包飯或意粉、餐湯,飲品半價。


卡邦扁意粉(下午茶)$28
茶餐三點開始,最抵食是意粉,比正價時段分量少,但用料十足,麵身煙韌、忌廉汁香濃,仲送即磨咖啡。


檸檬羊肉燴意大利飯(午餐)$45
可選正宗或改良版。正宗煮法用橄欖油、洋葱、乾葱碎炒香,再落雞湯慢火煮廿分鐘。改良版飯身較軟綿,啱晒港人。

Precious




地址:牛頭角啟興道 2號太平洋貿易中心 12樓 13-14室
電話: 3755 4925
營業時間: 7:30am-9pm(星期日及公眾假期休息)
交通:九龍灣地鐵站乘專線小巴 68號至太平洋貿易中心
泊車:啟興道咪錶位$20/hr 

撰文:鄭鳳
攝影:譚家維

文章標籤

tvb4life 發表在 痞客邦 留言(0) 人氣()