同你吟一吟

林建岳包起宇宙葉問

2013年02月28日 ~~ 第1199期 香港《壹周刊》

上星期五(二月二十二日),商務及經濟發展局公布委任旅發局資深成員林建岳,接替在職六年嘅田北俊,做香港旅遊發展局主席。

公告新職前一晚(二十一日),林建岳以東亞娛樂老闆身份,喺佢新開嘅日本餐廳( GIN SAI)搞咗個開年晚宴,同旗下藝人公司同事食番餐,兼且為當日舊曆生日嘅楊千嬅切 cake慶祝。
自己人 happy冇嗌傳媒,黎明帶齊 A Music旗下愛將李治廷、 Janice Man等蒲頭,而新任經理人部門話事人林珊珊,亦嗌齊鄭伊健、草蜢、林曉峰兩公婆、 Lam仔林德信晒馬,當然仲有剛轉會去任賢齊公司嘅梁漢文。
全部自家人,連趕緊《冰封俠》嘅甄子丹,亦攜眷帶埋老婆汪詩詩嚟!江湖傳聞:甄子丹泊咗東亞碼頭,同黎明、吳彥祖、任賢齊、舒淇一樣,孖住林建岳合組公司,玩分拆。嚟緊《葉問 3》又好,叫《葉問 3D》又好,總之要宇宙做葉問,林建岳都有份。


撞正楊千嬅舊曆生日,林建岳送 cake,吳彥祖、杜琪峯、劉偉強等賀壽星快啲追到女,湊成好字。


八珍收到風,宇宙甄子丹已經做咗東亞人,下個月會公告天下,公司開年飯,甄子丹攜眷出席。


因為三高戒牛戒酒嘅陳子聰(箭嘴),當晚獲老婆何超儀御准飲酒。


做咗丁太超過三年,千嬅派利是手勢愈來愈老練。


林珊珊掌管東亞娛樂經理人部門後,佢手上嘅伊健、草蜢等,全體自動過戶。

撰文:八珍

tvb4life 發表在 痞客邦 留言(0) 人氣()