梁安琪將近百隻唱片攤在大廳地上,場面已甚為壯觀。但其實這些亦不到她珍藏的五分之一。

星悅居

黑膠碟集中營 梁安琪

2013年02月22日 ~~ 第917期 忽然1周

梁安琪( Angel),這位資深廣播人,從電台 DJ、台長、監製、專欄作家、時事評論員到區議員,統統都做過。但原來最令她醉心的就只有音樂、只有 Rock& Roll。早前她更回歸樂壇,推廣 Band Sound文化。
今次親臨她位於大埔大尾篤的新居,看見她珍藏的數百隻罕有的黑膠碟,真令人嘆為觀止。今時今日,呢批唱片,有錢都未必買得到。

互動片段

梁安琪家居



梁安琪多年來都住在大埔大尾篤村屋,喜歡其環境清幽,早前搬屋亦離不開該區,只遷到附近另一條村。「呢度空氣好,環境一流,有邊度望到海景仲見到淡水魚塘。加上我露台對出係一望無際,約埋一大班 Band友望住個海傾偈、開會,真係幾寫意!」






大家咪以為這是普通海報,其實是一隻黑膠碟,仲要係 Rolling Stones(滾石樂隊)於 1984年推出的限量版 Single大碟,現時全球仍保存得完好的不出一百隻。特別到咁,今日啲 CD點比呀!


呢隻黑膠碟看似毫不起眼,但絕非嘢小。它是 78年一隻非正式出版的黑膠碟,屬於非賣品,當年很多地下樂迷追住收藏。


一眾黑膠碟中,對梁安琪最具特別意義必定是《 AMERICAN TOP 40》,她說:「呢張係我離開電台時監製所送,所以特別有紀念價值。」


在客飯廳放有民間工藝品外,梁安琪亦愛好天然擺設,就連飯枱都選用木製品,凝聚家的感覺。


歐洲旅行時,梁安琪專登物色這套 MCM茶具,「我一直唔捨得用,依家肯定係絕版。」

天價珍藏


記者一入門口,除了被大大的露台吸引外,還有客廳中心那個書櫃。但梁安琪並非用來擺放書籍,而是放了大量她做廣播人時的寶貴珍藏,當中有阿爸阿媽年代的黑膠碟與錄音帶。她如數家珍逐一介紹,不少更是絕版款式,時至今日全都變成無價寶。「眼前所見嘅都只係當年少數保存,因為對上一次搬屋掉咗好多。現時留番落嚟呢啲都係最珍貴嘅,就算我冇唱碟機聽唔到,但都唔捨得掉。」據了解,梁安琪現時珍藏的黑膠碟,在市場上十分罕有,估計市值達 7位數字,她還笑說:「呢個訪問出街後我真係要鎖好門,如果真係不幸有賊,希望佢劫色好喇,唔好劫我啲碟呀!哈哈!」可想而知她對家中的黑膠碟是何其重視。


自 2000年開始,梁安琪涉足政界做過 12年區議員,可惜最終還是心繫 Band壇,所以她去年決定退出並自組公司,希望憑藉多年廣播經驗,為香港樂壇再出一分力。


MCM這德國出名品牌,多年前是可以給客人在金屬牌上刻名,所以梁安琪便刻了英文名 Angel。可惜今日已經取消呢個服務喇!


平日坐落家中各處的 MCM家族,今次終於有幸集合起來影張全家福,果然係大堆頭。


當年梁安琪着住呢件 MCM牛仔褸去旅行,有人出千萬想即時買下,最後遭梁安琪婉拒,成層豪宅就斷送咗,如果可以時光倒流相信她會要錢唔要褸。

MCM超級迷


很多人都有儲物的習慣,梁安琪除了儲唱片,多年來還崇拜 MCM這德國品牌,由她初入行做 DJ已愛上,基本上在她家中任何一角都不難發現 MCM的影子。「好多年前,只可以去半島酒店嗰間專門店買,去開歐洲旅行見到有特別款式亦會買嚟收藏,大至拖拉喼小至記事簿都有。」現時 MCM已經升格,旗艦店坐落中環名店區,當年梁安琪算是獨具慧眼。
「講真,以前真係好鍾意追名牌,一到月底出糧我就必定走去 shopping, CHANEL、 Dior同 Versace,買到啲售貨員同我都熟晒。近年的確收斂咗,所以屋企大部分嘅首飾、手袋都買咗超過十幾年,到依家仲好新淨。」


《 The doors》的大碟連同錄音帶一套,保養得宜,還是新簇簇,梁安琪間中都會播帶聽聽,回味一番。


睡房內放滿名牌貴價飾物,小心收藏下完全唔似係十年前產品!今日再戴上身依然係好鬼 in。

巨星照貼滿房


除了價值不菲的黑膠碟,梁安琪在家中亦收藏了不少寶物。在書房發現很多她於不同年代工作時的舊照,與她合照的全都粒粒巨星,如哥哥張國榮、 Beyond四子、史泰龍等,連香港首富李嘉誠都曾與梁安琪同台,還有大量外國出名歌手及樂隊組合合照,以及其親筆簽名,真係星光熠熠。估不到一間七百呎,看似平平無奇的村屋,原來極其不平凡。


90年代初,在《嘉士伯流行音樂節》上,梁安琪與 Beyond四子合照,最令她遺憾是沒有家駒的簽名。




唔講真係唔知,昔日哥哥張國榮就算唔需要做訪問,都會專程走入電台搵梁安琪吹水㗎!


當年梁安琪做 DJ,與不少歌星藝員稔熟,連大隻佬史泰龍見到她都會來個熊抱。


回想與首富李嘉誠同台,梁安琪至今仍記得對方友善非常,完全沒有架子。


梁安琪亦毫不吝嗇放上她年輕時的泳照,雖然是一件頭,但亦有睇頭。


梁安琪手上呢隻兔仔叫「綿綿」,今年已經 8歲。但現場所見牠似狗仔多一啲,因為牠真的很乖亦會詐嬌要食物。


單位平面圖

撰文:李家碧
攝影:陳偉強
錄影:袁家樂

tvb4life 發表在 痞客邦 留言(0) 人氣()