Ana R.與 Brad打得火熱,不時孖住出席公開活動,就連素顏底衫 look一樣放上網。

上流滙

名模私房蜜照

2013年02月22日 ~~ 第917期 忽然1周

樣靚身材正的名模特別搶手,生活零舍多姿多采,不過現實歸現實,女人總希望搵個好歸宿。
城中名模陸續上岸組織家庭,不忘於網上大晒恩愛,儀態靚樣統統放埋一邊,一於騷咗先算。幾時都話,有個好歸宿才是終身職業。

Ana R.愛得癡纏


飽歷感情創傷的 Ana R.,依然屢敗屢戰,最近又再展開新戀情,與外籍男友 Brad拍拖 7個月。處於熱戀期的她,全情投入黐到男友實一實,寃氣到極。早前她更帶同 Brad見父母,還自爆等待對方求婚,隨時 ready生仔。擺到明再度瞓身!


Ana R.願望係做煮飯婆,為男友煮午餐同晚餐。初一當晚,二人就一齊搓湯圓玩煮飯仔, sweet到漏!


Ana R.每次拍拖都好瞓身,今次亦唔例外,新年期間還放二人賀年照上網,冧爆!

Cara G.啜爆老公


有泰國血統的混血女模 Cara G.,與模特兒男友 Jesper拍拖 7年,今年初註冊結婚。二人更將於 3月在泰國華欣舉行百人婚禮。新婚的她,啜爆蜜照任睇。


早前, Cara與 Jesper返內地過情人節,二人愛得簡單,不時帶同三隻狗仔行山拍拖。


Cara愛於網上大晒二人啜爆合照,還寫上愛的宣言,肉麻到打冷震!

樂基兒失婚喪玩


樂基兒與同屆名模相比,可謂最早上岸的一個。不過跟黎明結婚 4年的她,最終於去年 10月離婚收場。之後她索性玩到盡,繼續遊山玩水,一時去滑雪一時去滑浪,十足甩繩馬騮。


樂基兒近排於網上變賣自己的二手衫搵錢,仲搞咗個 apps促銷,但她自稱並非因經濟壓力,而是減少衣物才割愛咁話喎。


最近由峇里返回家鄉美國落腳的樂基兒,繼續做浪女,大晒泳裝玩到癲,而她手臂亦明顯粗了不少。

Danielle晒全家福


曾經是宅男女神嘅混血模 Danielle Graham,當年跟羅兆輝開過迷幻 P,喪玩喪蒲。 09年修心養性下嫁馬來西亞銀行家 Patrick Khoo,育有一仔一女,變身賢妻良母,幸福到漏。


全職湊仔的 Danielle,生活無憂,一家四口周遊列國度假,難怪她一臉滿足。


Danielle婚後長居馬來西亞,照顧 3歲囝囝 Benjamin及歲半囡囡 Sophia。

Jocelyn山頭攬錫


08年在夏威夷結婚的 Jocelyn與 Anthony,出晒名恩愛,去到邊都孖實。今年二人於荒山野嶺度過情人節,即時發放冧樣合照,宣布我好幸福。


二人仲齊齊喺山上啜爆,影埋黑白照留念,但偏偏嗰枝紅玫瑰就繼續紅,好作狀喎!


Jocelyn與 Anthony同樣愛運動,早前二人帶同香檳行山,於山上野餐慶祝情人節。

趙嘉懿囝囝第一


趙嘉懿( Carrie)與老公黃祖耀育有一子黃弘知( Marcus),每日上載一家生活照,有仔萬事足咁款!


趙嘉懿與囝囝 Marcus有如小情人,有不少錫錫合照,見她好鬼陶醉,冧過對住老公。


趙嘉懿與 Hip Hop排舞師黃祖耀結婚四年多,恩愛非常,兩公婆與米奇合照,童心大發。

撰文:名人組

tvb4life 發表在 痞客邦 留言(0) 人氣()