句句金

句句金

2013年02月22日 ~~ 第917期 忽然1周

林峯公開戀情後,即跟 BB吳千語飛往日本慶祝情人節。日前女方出席活動被問到係咪同房? BB口震震回答:
呢啲係私人事唔想講,不過係分開房瞓。

既然係情侶,同房有乜嘢出奇,佢話分房瞓咪仲古怪!




林峯過氣 BB李彩華唔太相信吳千語嘅「分房論」,
同房唔一定要發生乜嘢。

啱喎,同房可以玩大富翁、睇電視或者鋤 D,問題係大家信唔信啫。 




兩個 BB唔好嗌啦!
(設計對白) 




早前去俄羅斯度歲嘅黃偉文,遇上當地隕石墜落。佢日前喺微博報平安,更得戚表示:
恨我的人別開心太早!

有風唔使駛盡𢃇嘅,避過一劫好心就感恩啦。 




自爆係處女嘅王君馨,早前亦被影到同男友去台灣旅行。佢自言係教徒,會堅守教規分房瞓,
我哋清者自清,唔怕人誤會。

唓,有心嘅,同一間房都可以清者自清,有時唔需要咁矯枉過正嘅。 




周星馳嘅《西遊•降魔篇》內地票房強勁,曾批評佢嘅王晶可羨慕對方?大導竟回答:
我有好多嘢佢都冇啦,我有家庭有仔女佢都冇喎。

依家唔係鬥老婆仔女呀大佬。有唔代表你贏,冇又唔代表你輸,最緊要自己快樂就得啦。 

tvb4life 發表在 痞客邦 留言(0) 人氣()