八両金一出,誰與爭鋒!講一句,就噴到張 衞健成臉口水,張 衞健抹都抹唔切,勁搞笑!

媽咪姐

張 衞健飲八両金口水

2013年02月22日 ~~ 第917期 忽然1周

呢排啲演唱會多到睇唔切,不過 Big 4開 show有好歌又有得笑,媽咪姐就梗係捧場。估唔到嘅係,八両金帶住八両仔睇足 5場 Big 4演唱會呀。

尾場嗰日,張 衞健( Dicky)都忍唔住走近台邊,叫呢位超級粉絲同觀眾拜個年。嘩!八両金即刻哄埋去張 衞健個嘴……隔籬個 headset度,大聲講咗句唔鹹唔淡嘅「恭喜發財!」鬼咁興奮,仲噴到 Dicky一臉口水。噢,真係大吉大利呀!


嘩!要搵老婆 kiss番先!
(設計對白)


演唱會上,將八両金同蘇永康擺埋一齊,話佢哋兩個都鍾意戴金鏈,勁似。咦,又真係喎!

做後台訪問時,搞鬼嘅張 衞健竟爆咗句「引 Mi出動……默默耕耘……播種啦……播種……」,坐喺旁邊嘅安仔尷尬到即刻「射喱眼」 矋住兄弟,再大嗌派利是嚟打圓場!之後,安仔仲同 Sammi去沖繩度假,唔通聽咗 Dicky話?





tvb4life 發表在 痞客邦 留言(0) 人氣()