今年 60歲嘅甄妮話自己犯太歲,叫觀眾俾多啲利是佢沖喜。你咁搏,實得嘅!

媽咪姐

甄妮踩人捧阿女

2013年02月22日 ~~ 第917期 忽然1周

由身材到口才都一樣咁惹火嘅甄妮,周一( 18日)終於開 show!之前佢同細路女阿 G.E.M.隔空開火,又被指演唱會票房輸俾「廟街歌后」朱咪咪。咁依家條氣順番未呢?甄妮姐姐喺台上就咁話:「我有好多經典嘅歌,唔學似人哋無歌就唱人哋啲歌。唔係咁好囉!話晒係自己嘅演唱會。」咦,意有所指咁喎。

不過,甄妮姐姐唔係成日咁好火嘅,尤其提到阿女甄家平( Melody)就最冧。佢喺台上狂讚 Melody不特止,仲特別安排 25歲嘅佢做今次個 show嘅導演,坐正控制台中間㗎。


你唔係講我吓嘛?
(設計對白)


介紹合唱嘉賓張敬軒出場又話:「我哋呢個年紀,都可以聽後生嘅意見㗎。但點都好,最緊要有禮貌!呢個後生仔就好有禮貌嘞!」

Melody成晚坐喺控制台睇住阿媽做騷,而早前甄妮仲欽點阿女幫佢設計一款賀生辰 billboard(由演唱會主辦單位俾錢)放喺紅隧口。搞咁多嘢,都係為咗幫阿女攞多幾個 credit囉!





tvb4life 發表在 痞客邦 留言(0) 人氣()