媽咪姐

我要老公似劉青雲

2013年02月22日 ~~ 第917期 忽然1周

媽咪姐同好多姊妹一樣,都想有個體貼同錫自己嘅老公,不過男人呢種動物,天生愛新鮮感,一段關係耐咗,要佢哋出下力俾啲情趣,分分鐘難過叫特首落台。

不過世事無絕對,好似劉青雲同郭藹明結婚 15年,二人關係依然十足初戀咁 sweet。本月 16日生日嘅青雲,仲特登同劇組請假,除咗慶祝自己 49歲生日外,仲同太太過咗一個甜蜜浪漫嘅情人節。早前媽咪姐就喺九龍城撞到佢哋去街市拍拖,雖然只係普通買餸,但青雲嘅表現真係好細心,時下嘅男人真係要學嘢喇!

堅持拖手




有啲夫婦行街各顧各,但劉氏伉儷就十足連體嬰一樣。最 sweet係,當時郭藹明為咗指出目的地而唔覺意稍稍放開手,但青雲就緊張到立即捉番住老婆隻手,拖實唔放。 

耐心等待




之後郭藹明去餅舖買麵包西餅,拎住兩袋餸嘅青雲全程喺店外耐心等待,唔會左催右催,又唔會玩電話,一啲唔耐煩嘅表現都冇。 

拎定銀紙




郭藹明同普通家庭主婦一樣,殺入街市買餸。不過佢就巴閉啲,事關有老公全程做跟班,而青雲仲拎定一疊銀紙準備,難怪郭藹明可以繑埋雙手啦! 

tvb4life 發表在 痞客邦 留言(0) 人氣()