高海寧 頭號目標
通常出 event都有好多記者朋友,所以冇太過留意邊個打邊個。平時做 event留意唔到有人特登影胸。好狼死喺我面前 嘅話,經理人一定會出手制止。我會認住佢!

媽咪姐

娛圈驚現「影胸狂」?!

2013年02月22日 ~~ 第917期 忽然1周

由於告密信指「影胸狂」自稱任職「中華網」,媽咪姐即刻向「中華網」查詢佢係咪旗下記者,但截至本周三( 20日)「中華網」仍未有回覆。同時,鑑於所有文字或電子傳媒基本上都會向 TVB申請電視城記者採訪證,所以媽咪姐亦向 TVB外事部查詢,是否曾發過入電視城的採訪證俾呢位疑似「影胸狂」, TVB外事部發言人就回覆沒有。

網友告密信爆料


上周網友 Jackie傳咗一封爆料信俾媽咪姐,內容主要提醒女藝人及其保母、經理人等要密切留意一個「專影走光大特寫」嘅黑衣人,信中附有此人照片,喺信尾仲提供咗一條 youtube嘅 link,表示可證明黑衣人用長鏡近影高海寧嘅胸部大特寫。




高海寧「遇襲」片段
媽咪姐睇過呢條片,的確見到有男人用長鏡追着高海寧嘅「事業線」嚟影。但由於只見背面,未能確認此人容貌同身份。


馬賽  2號目標
可能我有時警覺性比較低,冇留意係乜嘢人影我,但如果遇到呢類情況,經理人會幫手阻止同提醒我。


趙碩之
之前出 function,係有個生面口嘅人叫我影相。其實好多時都知道有龍友扮記者湊熱鬧,我都唔會刻意阻止嘅。但如果佢哋有進一步行動就後果自負!


朱凱婷
試過有啲 fans或者龍友扮記者叫我哋影相,如果真係太近,我會好 nice咁同佢哋講番。不過正常人其實唔需要影大特寫。

有活躍龍友圈人士阿強(化名),睇完被網友指稱係「影胸狂」嘅黑衣人相片後,就話:「我認得呢個人,叫『喼神』吖嘛! 3、 4年前見過佢出現,企喺記者位咁近都用長鏡,大家都覺得有古怪!以前『喼神』去婚紗展同 fashion show多,但星期日( 17日)見佢去咗馬鞍山廣場影馬賽,仲死𦧲人哋影合照㖭。」媽咪姐嘗試用 email找爆料人 Jackie,諗住問多啲詳情,但他未有回覆。
嗯,種種跡象顯示,被指稱為「影胸狂」嘅黑衣人真係有啲景轟,媽咪姐奉勸各位女星都係小心為上,博唔到曝光率,仲要蝕底埋,咁就唔抵吖嘛!


喼神 嫌疑人
據知人稱「喼神」嘅佢,尤其鍾意 TVB出名有身材嘅女藝人如高海寧、苟芸慧及馬賽等,專影佢哋嘅「事業線」留為私人珍藏。嘩!真係聽見就驚!


周日( 17日)馬賽到馬鞍山廣場出席活動,據知疑似「影胸狂」亦早早到場狂影。好彩呢日馬賽着得唔算性感,應該無乜蝕底啫。

tvb4life 發表在 痞客邦 留言(0) 人氣()