夫妻分工
林文龍教囡囡玩竹蜻蜓時,將柺杖交俾傭人,而郭可盈就負責影相同執竹蜻蜓。
林文龍女兒
津津

娛聞樂

全天候服侍皇帝女 林文龍跛腳陪玩

2013年02月22日 ~~ 第917期 忽然1周

過檔王維基「香港電視」的林文龍,剛完成新劇《三面形醫》,適逢 2月初梁振英回應發免費電視牌照時一味拖字訣。新劇出街遙遙無期,林立刻怒斥政府「不知所謂」,更強調有需要會支持示威行動。
林文龍對政府就滿肚火,但對住屋企個皇帝女「津津」(林天若),就心都軟埋。雖然因拍《三面形醫》傷腳,不過撐住枴杖的他,早前都約埋曹永廉一家到大尾篤嘆茶,之後還拉隊去放紙鳶及竹蜻蜓。只見他全天候服侍愛女,盡現慈父一面。

互動片段

全天候服待皇帝女 林文龍跛腳陪玩



郭可盈為照顧女兒暫停拍劇,只維持一個月出席數次內地商演及登台,而老公林文龍則成家庭收入的主要來源。不過林文龍早前因為拍《三面形醫》整傷腳,撐住柺杖已有個多月,未能接工作。腳傷未癒的林文龍,沒有留家休息,反而趁空檔帶 3歲囡囡津津四圍遊玩。
「津津好精靈可愛,林文龍兩公婆都錫到佢 燶,仲不時約埋曹永廉一家一齊玩,曹永廉囝囝保熙大津津兩歲,兩個好似糖黐豆,保熙成日拖住津津,好鬼兩小無猜。」知情者說。


去公園前,三個 family飲茶飲足兩粒鐘,大人有大人吹水,津津玩 iPad,保熙就托晒頭,似乎等得好唔耐煩喎。


林文龍一家約朋友到大尾篤平民價錢嘅「 BB開心棧」飲茶吹水。大牌檔老闆娘早就留咗張大枱俾佢哋,明顯係熟客仔喎。


獨腳慈父
腳傷未好嘅林文龍, 攰 嘅時候都會用柺杖𢲲起隻腳休息,雖然跛住腳都要陪個女去玩,但見佢四萬咁嘅口就知佢一啲都唔覺辛苦啦!


郭可盈、林文龍十分緊張女兒,在津津一歲半時,兩公婆已經帶津津返京斯頓幼兒園 playgroup,為入名校鋪路。

稱兄道弟十年


林文龍與曹永廉私交甚篤,兩兄弟其實是 04年拍《陀槍師姐Ⅳ》開始熟落。據知兩人與陳錦鴻稱三兄弟,雖然曹永廉年紀最大,但陳錦鴻卻是老大,阿廉卻是老三,加上他們都有小朋友,所以閒時都會聚會。當年郭可盈大肚,曹永廉老婆姜依蘭亦有教她安胎之道,而林文龍過檔王維基,亦是曹永廉外父姜大 衞搭路。
1月尾,本刊拍得還在休養的林文龍,約埋曹永廉一家及友人到大尾篤「 BB開心棧」大牌檔茶敍。他們一行十人,坐在大牌檔最入的大 枱,郭可盈與大牌檔老闆娘有傾有講。其間,郭可盈充當攝影師,攞住部 Canon相機不停為愛女拍照,而林文龍則不時問女兒︰「食唔食叉燒包?腸粉呢?飲唔飲水?」服侍周到。
他們在大牌檔逗留兩小時,飯後眾人便揸車去大埔海濱公園放紙鳶及竹蜻蜓。為免女兒撞傷,細心的林文龍在旁睇到實。曹永廉囝囝保熙亦加入一齊玩,玩了差不多三小時,直至日落才返屋企。


星級攝影
林文龍同曹永廉因在無綫拍《陀槍師姐Ⅳ》而熟稔,兩人更稱兄道弟。林文龍為怕獨女津津寂寞,經常都會約埋阿廉一家去玩。當日郭可盈更為女兒充當攝影師。


青梅竹馬
保熙同津津嘅感情非常之好,當日保熙不時都要拖住津津行,睇嚟林文龍同曹永廉,將來好大機會對親家。


囡囡同傭人圍住林文龍追追逐逐,林文龍齋睇個女玩已經開心。

暫不會追仔


永廉囝囝保熙今年五歲,他和津津同樣係一月生日,早前曹永廉夫婦及幼女 Erin同為保熙慶祝生日。

林文龍自認是緊張爹哋,自從天若出生後,兩公婆已減少很多應酬。林在電話說︰「依家我唔使開工,全部時間都俾晒個女,我好珍惜個女呢個階段,因為佢大個之後會有自己思想,所以同佢相處 嘅點點滴滴都好珍貴。依家好努力搵錢,同個女交保險及準備佢未來 嘅教育基金,暫時唔會追仔,想專注個女多 啲。」
事實上,郭可盈與老公一樣,也是有女萬事足,她曾表示有了囡囡後,一家人溫馨感覺很強烈:「個女依家仲細,每日都好多變化,我想多 啲同佢一齊,唔想錯過任何同佢溝通嘅機會。近幾年可能只會接商業廣告或登台,每天至少要留一半時間俾個女。」兩公婆為了囡囡寧願賺少 啲,認真廿四孝! 

夫妻賺錢囡囡享


近年在大陸拍過《美人心計》及《帝錦》的林文龍,為了留港照顧女兒,去年開始以八萬元一集為「香港電視」拍劇,首套《三面形醫》擔正主角,可惜今年初整傷腳,延誤其搵錢大計。至於郭可盈就唔拍劇專心湊女,只係大約一個月出席數次登台。


郭可盈大陸登台一次收十多萬,廣告價更以數十萬元計,吸金力仍然強勁。


《三面形醫》以整容為題材,由林文龍夥拍曹永廉岳父姜大 衞演出。




公主生日
林文龍夫婦剛於一月為愛女喺迪士尼搞了一個盛大生日派對,使咗最少 5萬元,淨係個布景都豪華過人。

採訪、撰文:娛樂組
攝影:梁志明、李子雄

tvb4life 發表在 痞客邦 留言(0) 人氣()