17/2 2:00pm
一出機場, Sammi即刻搭住男友膊頭,氹到安仔笑晒。

封面

睇 4萬激平婚禮場地 鄭秀文安仔沖繩試婚

2013年02月20日 ~~ 第300期 Face

鄭伊健蒙嘉慧上月在東京秘婚,成功破了 7年分手魔咒。婚訊傳足近 2年的鄭秀文與許志安,亦將於今年拉埋。
本刊發現,剛完成 6場 BIG FOUR演唱會的安仔,急急放低工作與 Sammi飛到日本沖繩旅行,與女友補祝情人節之餘,亦順便睇定婚禮場地。週日( 17日),二人一出沖繩機場即甜蜜搭到實,更入住當地一間附設露天海邊婚禮場地的度假酒店,三日兩夜除了視察環境,又可試埋婚宴菜式。據知酒店婚禮 package 4萬港元有找,安仔開 1場騷已經夠娶 Sammi有凸!

互動片段

Sammy安仔熱愛島



自從 11年 3月宣布復合, 40歲鄭秀文與 45歲許志安 sweet過初戀,隔幾個月就孖住外遊,日本更是二人至愛,去年 8月已到過東京掃貨換季,今次趁日元大跌近八算,把握機會到沖繩享受陽光與海灘,再轉飛日本內陸城市,直落玩足 6日。


Sammi一向愛錫家人,為免行動不便的父親(中)搭長途機,刻意揀只需兩小時機程的沖繩。


素顏 Sammi雖然戴住黑超,但面部有些少浮腫,唔通未出發先興奮,成晚冇瞓?


勁大情侶喼
連行李都一齊用 Rimowa黑色大喼,使唔使咁襯先?

主動攬安仔


週日( 17日)下午,二人乘坐香港航空飛沖繩,攞完行李後,嘴角含春的 Sammi立即搭住安仔膊頭,而負責推行李車的安仔見女友咁主動,亦笑到合唔埋口。難得去旅行,兩人出動情侶黑超加情侶 Rimowa巨 喼,由頭到腳襯到絕。
上了事先預約的機場的士後,安仔 Sammi直接到酒店 check-in,其間兩人不斷回望, Sammi更一度叫司機停車試探有冇人跟蹤,警覺性極高。 Sammi與安仔更選了較偏僻、離那霸市中心約一個半小時車程的 Amms Hotels Canna Resort Villa。酒店 08年開業,絕少港人入住,而且被當地人喻為「擁有全沖繩最美日落的酒店」,可以同 Sammi攬住睇鹹蛋黃,難怪安仔遠少少都要入住。雖然沖繩以海灘聞名,但當地氣溫只有十幾度,不宜落水。

同睡一室


Sammi同劉華再次為杜琪峯新戲《盲探》合作,但月前煞科後, Sammi便冇再接戲。

據知 Sammi與安仔早在去年已計劃過 10月結婚,但奈何安仔要為 BIG FOUR籌備巡迴,婚禮被迫推遲。眼見好友鄭伊健成功避開傳媒,低調於東京完婚, Sammi亦想有樣學樣,婚禮場地有咁僻得咁僻。「其實阿 Mi最初諗住喺倫敦或者東京搞,但英國要搭十幾個鐘頭機,對佢中過風 嘅爸爸 嚟講唔係太適合,而東京又太多香港入,諗諗吓覺得沖繩都可以考慮,兩個鐘就到, 啲教堂又靚又唔浮誇,佢同安仔不嬲鍾意簡單。」知情人士透露。
剛完成香港的 BIG FOUR演唱會,據知安仔唱埋下月 18日倫敦站便可放一段長假休息,而 Sammi上年拍完杜琪峯套《盲探》後暫未接戲,錄完新碟便冇工作在身。
記者連續兩日未見兩人步出酒店,只在週一下午見到他們在草地曬太陽,但安仔一見有陌生人行過,立即閃人返房,其餘時間則留在過千呎獨立屋中。到了傍晚時分,兩人步出房間與本刊記者撞到正,兩人即轉身速逃。其後記者嘗試到兩人的房間拍門採訪(呢對基督徒冇分房瞓!),但只聽見房中極大電視聲浪, Sammi與安仔卻未有應門,記者惟有再寫下便條給二人,可惜仍冇反應。仲有 3晚浪漫假期,未來許太慢慢歎啦! 

4萬包場


Amms Hotels Canna Resort Villa除了私隱度高,最重要是酒店附設結婚專用的白色露天小禮堂,適合同是基督徒的 Sammi安仔。從官網所見,包場結婚約 40,000港元,包牧師、禮服、兩晚房間及場地布置等,行兩步便是餐廳,可一條龍舉行結婚 party,每位只需 1,250港元,包 100位親友都只是十幾萬,以兩人的巨星身價,算是非常慳家。


臨海露天靚場


西式餐廳


¥ 15,000的套餐有和牛、香草燒大蝦等主菜,連餐名都叫「幸福」,冧爆!

$1,600同房瞓




溫馨 jacuzzi
屋內附設 jacuzzi及露台,都係 1,600蚊港紙 1晚!


蚊帳大床


海景泳池
Sammi入住的酒店有 30間獨立屋,又有 infinity pool,睇日落勁正,千六元真係抵!



遇記者速逃
安仔護 Sammi:唔好跑!




18/2 6:00pm
兩人在香港時間 6點(日本時間為 7點)步出房間,行到大堂時與記者兜口兜面撞到正, Sammi即時向房間方向喪跑,未及反應的安仔擔心女友跣倒,立刻喝住:「唔好跑!」但 Sammi未有停低,兩人回到房後更用力砰埋房門!


許志安開騷, Sammi連續兩晚匿後台暗撐,安仔更將〈唯獨你是不可取替〉改歌詞冧女友。

結婚傳足 2年


明星結婚鍾意玩神秘,鄭伊健都係 send個短訊通知親戚朋友,帖都冇張費事日期地點曝光。 Sammi安仔同樣低調, 2年來傳過多個婚禮地點,希望到時佢哋自己唔好搞亂先好喎!


南法
11年 3月,有雜誌指安仔於情人節求婚成功,鐵定於法國南部普羅旺斯舉行浪漫婚禮。


倫敦
去年 4月,有傳 Sammi獨自歐遊,更抽空到倫敦郊區搵小教堂,學好友 Marianne在英國行禮。


輕井澤
去年 8月,傳出兩人會到日本輕井澤的「風之教堂」結婚,再回香港補擺喜酒。


去年二人同遊東京,在成田機場等上機返香港時都笑到變四萬。

P牌煮婦




唔使開工的 Sammi,最近經常將煮餸相放上微博,雖然冇開名話煮畀安仔食,但落足幾擔心機,唔使講都知安仔係最大得益者啦! 

採訪、攝影:娛樂組(沖繩)
撰文:娛樂組

tvb4life 發表在 痞客邦 留言(0) 人氣()