插圖: Wendy

揞名爆

「虎太」極速變臉

2013年02月15日 ~~ 第916期 忽然1周

講開「人不可以貌相」,查實我哋估唔到嘅嘢,仲有好多!好似喺鏡頭前,對「虎兄」鬼咁溫柔,成個小女人咁款嘅女主持「虎太」,私底下原來可以變成惡雞乸㗎!有一次喎,媽咪姐入電視城探個 friend,喺化妝間外嘅走廊,聽到「虎太」喺度同人講電話拗數。嗱!唔係媽咪姐想偷聽,而係呢位「唱家班」出身嘅阿太,用高八度嘅聲線喺度狂鬧人,就算入咗化妝間,喺走廊都聽到佢有幾勞氣。

嘩!「虎太」持續不斷鬧人鬧足十幾廿分鐘,水都唔使飲啖㗎。不過,更神奇嘅係,佢鬧完人收線,無耐就打俾老公「虎兄」,即刻以令人起雞皮嘅嗲爆聲線講:「 BB呀,我搞掂咗嗰邊嘞,你記住……」如是者, keep住呢個 tone同「虎兄」情話綿綿咗十分鐘。 Well,由於「虎太」嘅轉變實在太神速,媽咪姐見到化妝間內嘅梳頭阿姐呀藝員呀都同我一樣,聽到眼都大埋!都話北地胭脂有辦法,見到來自內地嘅「虎太」呢套變臉神功,媽咪姐又學到嘢啦! 

tvb4life 發表在 痞客邦 留言(0) 人氣()