插圖: Wendy

揞名爆

「靚爆鏡」估佢唔到咁好賭

2013年02月15日 ~~ 第916期 忽然1周

踏入蛇年,又係媽咪姐教大家做人道理嘅時候。其實講咗一千次㗎嘞,但太有道理,所以都要再講……咪就係「人不可以貌相」囉!嗱,唔好噓住,聽埋先。話說「靚爆鏡」 N年前入行以來,都係以氣質玉女形象示人,即係得閒會寫吓詩嗰款,而佢仲真係出過書㖭!

好嘞,就算嫁咗人兼生咗幾個,呢位影壇美女都仲係保持住優雅高貴嘅形象。不過,私底下嘅佢,又係點呢?咪就係好賭師奶一個囉!日日無所事事,最鍾意約埋班阿太打牌,仲要一打就成日,周不時打通宵㖭。有啲阿太攰到頂唔順,想唔打走先,「靚爆鏡」仲會黑晒面,唔俾人走。有時賭癮起,佢仲會過大海搏殺㗎!媽咪姐知道一入豪門深似海,可能「靚爆鏡」深閨寂寞,但人生有好多有意義嘅嘢可以做㗎嘛!有錢又得閒,就不如多啲做吓善事啦。 

tvb4life 發表在 痞客邦 留言(0) 人氣()