小特搜

呂慧儀陳敏之長腿雙煞

2013年02月15日 ~~ 第916期 忽然1周

森美見到都忍唔住要偷影 嘅「修長美腿」,男人想𥄫,女人亦趨之若鶩。唔少女星都話自己有 42吋長腿,都唔知堅定流。今次媽咪姐專登拎埋把軟尺,殺入電視城搵班姐仔度腳,度吓佢 哋有冇報大數。結果索腿天后陳敏之同長腳蟹呂慧儀以 43吋大熱勝出,成為長腿雙煞!

長腳蟹鹽浸蟹腳


身高 5呎 9吋
腿長 43吋

「長腳蟹」呂慧儀擁有 43吋長腿同敏之睇齊。咪睇佢平日大情大性,保養「蟹腳」原來好細心。「我會用高於人體溫度少少 嘅熱水 嚟浸腳,又會加入唔同香味浴鹽,促進血液循環,感覺勁放鬆,超正!」 

索腿天后磨砂養腿


陳敏之日前去馬來西亞參演賀歲節目《 TVB新春黃金慶典》,今次佢冇騷長腿,改為集體擊鼓。佢話長腿間中都要休息吓,「我每個禮拜都幫雙腿做磨砂,同埋去美容院做機, keep住雙腳 firm啲。另外我仲好鍾意修腳甲,大時大節會搽紅色腳甲油。」




身高 5呎 9吋
腿長 43吋

海味跑步護腳


「海味」周海媚最近返無 綫同張兆輝拍《神槍狙擊》, 46歲仲 keep住靚樣, 着住運動褲盡顯 40吋修長美腿。「之前都有人度過,我冇話特別去保養雙腿,每日搽潤膚霜就必然啦!平時都有跑步,會令雙腳實淨 啲!」




身高 5呎 7吋
腿長 40吋

楊愛瑾自摸美腿


前 Cookies成員 Miki楊愛瑾當年憑 38吋長腿響朵,最近拍無 綫劇《神槍狙擊》忙到冇時間護腳。「平時我會飲好多水,間中會按摩小腿同大腿,同埋每日食一湯匙蜜糖,皮膚滑好多。」




身高 5呎 5吋
腿長 38吋

潘曉彤跑樓梯機


潘曉彤早前與好友梁嘉琪同遊日本, 喺微博大晒戰利品,當然唔少得高 踭鞋。身高 5呎 6吋 嘅彤彤,條腿都有 39吋,比例算幾修長。「我每個禮拜都做兩次 gym㗎,跑步 30分鐘唔少得,另外會做埋樓梯機,大腿感覺好結實!」




身高 5呎 6吋
腿長 39吋

tvb4life 發表在 痞客邦 留言(0) 人氣()