人哋名媛 high tea談笑風生,但章小蕙就無厘心機,托頭皺眉。佢個樣除咗愁之外,五官同面頰仲有下垂跡象,要救下喇!
點解連個仔都唔 like我!(設計對白)

媽咪姐

章小蕙愁爆過年

2013年02月15日 ~~ 第916期 忽然1周

近年自稱係荷里活電影製片嘅章小蕙,作品真係冇乜,最近又秘密由美國返嚟香港過年嘞!早前,媽咪姐喺金鐘太古廣場撞到佢同兩名女性朋友嘆 high tea。唔知係咪最交心嘅老死盧覓雪唔在場,當日章小蕙全程頭耷耷,個樣真係食咗糖蓮子都唔識笑。身邊朋友吹水,佢就一句都搭唔到嘴。


鍾嘉浚早前返過香港同老竇共聚天倫,仲好樂意先車老竇同范姜出席周汶錡嘅婚宴,再車妹妹嘉晴(右)返屋企。

其實近年章小蕙除咗事業冇起色,媽咪姐收到風,話大仔鍾嘉浚雖然判咗俾章小蕙養,但其實個心一直向住老竇鍾鎮濤,依家佢同阿媽直頭冇乜兩句㖭!唉,章小蕙今年雖然已經 50歲人,但仲有時間重修母子關係嘅,唔好嘥心機搵老闆……投資電影啦! 

tvb4life 發表在 痞客邦 留言(0) 人氣()