倫伯原本背住餐廳個門口坐,但記者 喺出面企唔夠幾秒,就俾佢發現,校長夠晒好眼力!
望吓嗰邊, 12點鐘位置呀!(設計對白)

媽咪姐

譚校長雷達眼

2013年02月15日 ~~ 第916期 忽然1周

為 咗撐老死曾志偉, N年冇拍戲 嘅阿倫,義字當頭,又拍賀歲片又上無 綫《勁歌》。媽咪姐前幾日睇完佢套《 2013我愛 HK恭囍發財》,估唔到六十有幾 嘅倫伯,搞笑講 gag都仲有一手,完全唔覺「回塘」噃!

戲裏搞鬼,戲外同樣咁精靈,前幾日,記者 喺大坑食晏,見到佢同彭健新幾個波友食飯。倫伯雖然背住門口坐,但警覺性極高,話咁快就「聞」到有鏡頭 喺附近,仲好友善咁同記者揮手打招呼。佢埋完單,仲凸住個肚腩走出 嚟,同記者講新年快樂㖭!比起新一輩 嘅藝人, 喺街度見到鏡頭,十個有九個黑面,譚校長呢 啲咪叫做大將之風囉。


最鍾意吹水嘅譚校長,同彭健新(左一)傾到好興奮。


倫伯身形雖然不復當年勇,但待人處世依然十年如一日,值得唔少未紅先驕嘅後輩學習。


譚校長個賀歲片造型娘得嚟都幾爆笑,完全無理形象㗎。

tvb4life 發表在 痞客邦 留言(0) 人氣()