後來先知鄭中基帶埋全家去澳門。當日一人一篋,鄭中基沿途睇住個女,充滿父愛。

媽咪姐

鄭中基闔家溫馨遊

2013年02月15日 ~~ 第916期 忽然1周

鄭中基( Ronald)自從成家立室,同余思敏生咗囡囡之後,成個人成熟晒,又顧家又冇花邊新聞。

佢有份主演賀歲片《百星酒店》,近日頻頻返內地宣傳。鄭中基明知工作繁忙,都事前請定假陪屋企人提早過節。就早前,媽咪姐見到佢同太太、父母連同工人、愛女一齊去澳門玩。沿途鄭中基一邊睇實愛女,一邊帶領眾人入閘,完全展現一家之主嘅風範。
之前金馬獎鄭中基話老婆腳頭好,帶挈佢攞獎。遲下金像獎,媽咪姐提議佢帶埋囡囡,提高勝算,順手晒幸福嘛!


媽咪姐初時只係見到鄭中基同太太上電梯,以為佢哋去澳門過二人世界。


鄭中基一馬當先率領眾人入閘,其間不忘回頭照顧阿媽,老幼都 take care晒。


鄭中基同毛毛今年一齊合作賀歲片《百星酒店》。兩人早前仲去咗寧波(右圖)宣傳。




係我定係阿女降服你呢?﹙設計對白﹚
梗係……你估啦!﹙設計對白﹚

tvb4life 發表在 痞客邦 留言(0) 人氣()