真係飲得杯落!(設計對白)

滾熱辣

視帝豬籠入水 黎耀祥 260萬買「林寶」過年

2013年02月15日 ~~ 第916期 忽然1周

林寶堅尼,並非人人買得起。三屆視帝黎耀祥近年撈到風生水起,保守估計,去年至少賺過千萬。搵得嚟使得去,黎耀祥上月初便豪花 260萬,買入心水辣車林寶堅尼,與郭富城睇齊。而且視帝祥這部林寶,全球限量 8架,認真威水。
除了視帝,近年回巢無綫的張兆輝、轉投王維基的黃日華,以及於《老表,你好嘢!》彈出的林盛斌(阿 Bob),亦相繼於新正頭齊齊換新車。

本刊收到消息,對跑車情有獨鍾的黎耀祥,繼 11年以 93萬購入波子後,去年再度出手,叫相熟車行作心水推介。知情者說:「祥仔話 budget 3百萬,有人建議佢買法拉利,但佢就嫌法拉利太過多人揸。最後佢就扑槌揀咗架白色林寶堅尼。」


激罕!全球 8部

Lamborghini HK 20th Anniversary
車型:雙門雙座位跑車
引擎: 5204c.c.
馬力: 550hp/8000rpm 

黎耀祥:減價先買


根據車輛登記處資料顯示,黎耀祥新車於上月以 260萬購入,名為「林寶香港二十周年紀念版」,全球只得八部,是香港嘉信汽車為慶祝成為林寶代理第二十年,特別限量推出,非常罕有。這部辣車原價要 360萬,所以黎耀祥今次買得划算。知情者說:「林寶好食油,好睇唔好揸,所以佢買返嚟來回都揸唔夠十次。」早前,本刊就拍得黎耀祥的新玩具停泊於深井寓所停車場內。由於新車落地僅一個月,所以非常新淨,車呔幾乎冇磨損過的痕跡。
早前,記者就買林寶一事致電黎耀祥,他大方說:「嘩,部車上個月先落地,你哋咁快 check到呀!」及後他解釋買林寶原因,「我都係減價先買,價錢合適係最大原因。我能力都負擔得到嘅!(白色車特別旺你?)唔關事嘅!我由細到大都鍾意白色。(得八部都買到喎!)我冇乜特別途徑,部車係香港獨有,所以咪買到囉!林寶嘅系統係用 formula(方程式賽車波箱),買嗰陣都有人教我啲掣點用。不過我唔會成日揸,都係揸咗幾次。好似我依家拍劇,都係揸吉普車多,始終方便啲!」


早前本刊記者於黎耀祥深井寓所的停車場,發現他新買的林寶堅尼(左)和 11年所買的波子泊在一起。兩架跑車的車牌英文字頭都是用祥嫂英文名 Julia Leung的縮寫 JL,好識冧老婆。


車輛登記處資料顯示,這架林寶由一間名為「 Creative Court Limited」持有,而公司董事正是黎耀祥和其太太。

愈買愈豪


黎耀祥自 09年憑《巾幗梟雄》柴九一角彈出後,財源滾滾來,五年來共買了五部車,非常誇張。


09年 低調凌志
黎耀祥 09年就愛上凌志,貪其內櫳闊落,實而不華。當時這部凌志 GS300白色房車,標價 45萬,屬 05年貨色。


10年 轉迷四驅
由於囝囝快高長大,黎耀祥 2010年轉迷高身車款。這部富士 Forester 06年出廠,廿萬有找,屬於同等價錢中最高性能的四驅車。


11年 貴氣波子
黎耀祥身價水漲船高,內地騷接唔停。為求配合身份,他 11年以 93萬購入白色波子 Boster S。雙門雙座的 Boxster S採用開篷設計,屬波子入門首選。《壹週刊》圖片


12年 吉普開工
黎耀祥冧莊做視帝,開工車都要買架公路性能強,兼可提升燃油效益的吉普車 Range Rover,價值 80萬。不少藝人如鄭伊健、雷頌德都是此品牌擁躉。

年賺過千萬


黎耀祥吸金力驚人,單是廣告已拍了六個,加埋剛過去的新春登台,去年 2月至目前已進賬過千萬。


黎耀祥形象親民,深得廣告商歡心,連中藥和纖體都要搵他代言。





張兆輝收 160萬波子


張兆輝收到太太送來的波子後,便急不及待試車,他試後說:「梗係爽啦!真係好大嘅驚喜。」

除了視帝祥大手筆以 260萬買林寶外,近年回巢無綫的張兆輝亦有新車落地。早前,張兆輝就獲太太郭碧妍送贈一部價值 160萬波子,作為他 50歲的生日禮物。
現正忙於拍無綫新劇《神槍狙擊 2013》的張兆輝,本月 4日正是他 50歲生日。當日下午,他便與周海媚出發到西貢趕拍《神》劇。

911 Carrera Coupe
車型:雙門雙座位跑車
引擎: 3614c.c.
馬力: 345hp/6500rpm 

太太神秘禮物


拍攝中途,張兆輝太太郭碧妍突然捧住蛋糕現身,令老公開心不已。正當張準備切生日蛋糕時,一部掛住他 EC字頭(張兆輝英文名是 Eddie Cheung)的舊有車牌的波子徐徐駛至。張見狀即大叫:「做乜有人用咗我車牌?」這部波子 911 Carrera Coupe屬於去年新款,價值 160萬。張太為了獎勵拍劇拍到日夜顛倒的老公,靜雞雞買車送俾他。張太對記者說:「佢(張兆輝)成日話揸波子,十個有九個都係光頭。咁我唔想佢等到頭髮都冇,咪送俾佢囉!其實佢啲錢俾晒我,架車都係用佢啲錢買。」
剛剛 50歲的張兆輝重返無綫後,雖然推掉兩部電影和一部內地劇,損失近三百萬,但由於他回巢劇酬每集高見 5萬,絕對可以彌補北上損失。而且他和太太合力搞的美容生意搞得有聲有色,去年為他帶來過千萬收入,買得起波子有餘。


本月 4日是張兆輝的 50歲生日,他太太除送車送蛋糕外,更現場送吻,令張兆輝冧爆。


財來自有方的張兆輝, 11年便被本刊拍得揸住 40萬的寶馬,進出新居貝沙灣。

Bob粉紅慰妻號


憑《老表,你好 嘢!》彈起的阿 Bob(林盛斌),近日有傳他於《老表》效應下吸金過百萬。早前他為了與老婆二人世界,便花 13萬買了架桃紅色的日產 Fairlady Z,十分豪氣。他說:「之前我 喺街見到呢部車已經好鍾意,我當時諗『如果有一日我可以揸呢部車就好喇!』而咁 啱個車主就 喺我整開車 嘅車房整車,最初佢唔肯賣,不過最後俾我誠意打動 咗。」

Nissan Fairlady Z
車型:雙門雙座位跑車
引擎: 3498c.c.
馬力: 287hp/6800rpm




DJ出身的林盛斌,憑住《老表》入屋,加上他親自打理的潮店生意愈來愈旺,令他成為暴發戶。

黃日華自爆養波子


黃日華 11年轉投王維基的香港電視,他以 120萬接拍 20集的《開腦儆探》,而即將開拍的《歲月樓情》,亦為他帶來 60萬收入。有錢就身痕的黃日華在微博道出心聲,「儲極錢都唔夠買樓,一怒之下,收養 咗個小四」,華哥所指的小四就是他的新愛駒波子 977,他對小四讚不絕口,「幾索 㗎!有手感!」

997 Turbo
車型:雙門雙座位跑車
引擎: 3800c.c.
馬力: 500hp/6000rpm


黃日華近日不停將波子的靚相放上微博,不過他竟然將車以外的環境打了格仔,非常奇怪。


新車有手感!(真實對白)

採訪、撰文:娛樂組
攝影:攝影組

    tvb4life 發表在 痞客邦 留言(0) 人氣()