許亦妮為「集郵」平反:我好專一!

許亦妮在新劇扮演「小三」破壞張繼聰與王菀之的感情,參選港姐時被封「集郵港姐」的她在專訪中表示現實中從來未當過「小三」,對感情專心一致,反而能容忍「前度」出軌,最後也等到他浪子回頭。



許亦妮為「集郵港姐」稱號平反,強調自己對感情十分專一。

前香港小姐季軍許亦妮選美加入無綫後獲力棒,最近有份在人氣劇《老表,你好嘢!》中扮演「小三」,介入張繼聰與王菀之的感情,現實中她有沒有當過「小三」呢?許亦妮說:「我冇試過做第三者,反而以前男友有過第三者,當時都隻眼開隻眼閉,最後佢都冇同小三聯絡,我相信男仔最終都會選擇穩定嘅關係。」


許亦妮樂做小女人,喜歡大男人。

許亦妮曾被指感情生活多姿多采,她平反說:「我唔係咁多男友,每段關係都最少維持幾年,嗰時畀人影到嘅大部分都係朋友,實情我好專一,鍾意做一個小女人、由大男人話事。愛情,我擺得好重要,希望將來有個幸福嘅家庭。」

盡數拍劇難忘事

許亦妮第一次拍《老》劇就做「小三」,問她可擔心被定型?她說:「唔怕,新人咩角色都想嘗試,好似之後套劇《師父.明白了》就已經做捕快。依家睇番當然有改進空間,但係當時盡咗全力就得。」許亦妮拍攝《老》劇最難忘是拍攝怒罵胡楓和羅蘭的戲份,她感激說:「多謝修哥同羅蘭姐叫我入戲、出力鬧,蚊蚊(萬綺雯)主動同我對稿,對新人好照顧!」

採訪:影視組

攝影:劉智源

場地:Habitu(銅鑼灣)

服裝:iBlues

化妝:Charies Ng@HAiR

許亦妮專一拒做「小三」

前香港小姐季軍許亦妮在新劇《老表,你好嘢﹗》扮演「小三」,介入張繼聰與王菀之的感情,她表示現實中沒做過「小三」:「我冇試過做第三者,相愛係應該一對一嘅,反而曾發現男朋友有第三者,男人係好容易犯錯嘅,當時都隻眼開隻眼閉,佢最後都冇同小三聯絡,我相信男仔最終都會選擇穩定嘅關係。」

選港姐時被封為「集郵港姐」,對此她說:「我唔係咁多男朋友,拍拖每段關係都最少維持幾年,嗰時畀人影到嘅大部分都係朋友,雖然我外表好似好花心,但實情相反,我好專一。自己睇愛情亦好重要,希望將來有一個幸福嘅家庭。」

許亦妮為「集郵港姐」稱號作出平反,強調對感情專一。

 

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(1) 人氣()