句句金

句句金

2013年02月08日 ~~ 第915期 忽然1周

性感女神高海寧喺農曆年將會同陳煒表演蛇舞,問到怕唔怕被對方搶鏡?佢咁答:
佢係成熟路線,我仲係𡃁妹仔。
莫非你暗指 39歲嘅陳煒年紀……其實高 Ling都成 27歲啦,自認𡃁妹仔,點講都有啲牽強。








女神之一苟芸慧日前自認單身,仲開聲徵求男友:
就快情人節,希望大家唔好怕醜快啲表白。
媽咪姐淨係問一句啫:係咪表白咗你就受先? 




𡃁模霸王事件發生後,好多𡃁模紛紛表示曾被問價,校長譚詠麟亦笑指:
冇人問過我登牀價,登台價就日日有人問。
正常喎。校長若想人問,唔該激減 20磅,練番 6嚿腹肌先啦。 




郭羨妮跟動作導演朱少杰結婚,被指女尊男卑,日前佢接受報章訪問時反擊:
搵個肥嘅光頭核突有錢佬嫁咗去,我知道嗰啲通常唔開心。
其實擇偶講求啱 feel,唔通肥嘅光頭核突有錢佬就必定係衰人?佢咁將人標籤化,實在唔啱。 




關淑怡最近開演唱會,當中播出嘅片段,剖白自己恨結婚,但唔會抱太大期望:
要學識優雅地放下所有嘢。
佢識諗就好啦,唔好再郁啲就失蹤,媽咪姐同班粉絲都唔襟嚇㗎。 

    tvb4life 發表在 痞客邦 留言(0) 人氣()