2001 蛇年
2001年,雙陳一人舞一條蛇,真係幾大膽。不過媽咪姐睇番佢哋嘅打扮,仲攞膽!

當年今周

晒你冷

2013年02月08日 ~~ 第915期 忽然1周

檔案編號:第 287期
日期: 27/01/2001
《當年今周》最好睇嘅地方,除咗可以回顧娛圈大事,仲可以重溫埋那些年有幾娘。好似 12年前,同樣係蛇年嘅 2001,《忽周》就搵嚟陳松伶、陳煒擔任蛇女郎。嘩,嗰啲妝容、裝束,既有「創意」又攞膽。對比今期封面,簡直要驚嘆時代進步,同審美標準嘅提升!

事實上,《忽周》每逢農曆新年都絞盡腦汁,邀請藝人影賀年封面。今日回望過去,娘,係正常,但用心程度從未變過。媽咪姐夠膽講句,嚟緊蛇年,《忽周》猛料將會一單接一單。我哋用心同時盡心,大家拭目以待呀!


1997 牛年
1997年,《忽周》搵嚟梁榮忠(左)、歐陽震華(右二)同傅明憲(右一)去新界牛棚影相,製作好認真㗎。


1998 虎年
憑《真情》成功入屋嘅呂方,以一身武松打虎嘅造型拍賀年封面,當時銷量高達 25萬本,創紀錄。


2006 狗年
李珊珊擔任 2006封面人物。話就話慶賀狗年來臨,但珊珊條 4吋事業線最搶鏡。


2007 豬年
2007年仲同李泳豪拍緊拖嘅楊思琦,同樣以深坑迎接豬年。養眼!


2010 虎年
𡃁模熱潮一發不可收拾,始祖周秀娜發揮 32D威力,矢言要征服所有男人。可惜吖,佢啱啱甩拖,始終箍唔住男友 Avis個心。


2011 兔年
2011年請得楊千嬅任兔女郎,不過當時突然爆出賭王爭產風波,《忽周》梗係要報道啦。

    tvb4life 發表在 痞客邦 留言(0) 人氣()