博出位

鄭中基阿 Sa搶先賀蛇年

2013年02月08日 ~~ 第915期 忽然1周

喺 啱 啱過 咗去 嘅「小年」(即臘月廿三謝灶)同「立春」,鄭中基同前妻阿 Sa蔡卓妍分別 喺微博提早晒賀年相,前者同大家拜個早年,後者就 喺屋企玩煮飯仔煎蘿蔔糕,好有過年氣氛。阿 Sa廚藝如何,相信要問吓陳偉霆先知喇!班藝人已經準備迎接蛇年,媽咪姐都要準備吓先!

鄭中基拜早年


鄭中基同余思敏生 嘅囡囡已經歲幾啦,政府話養一個細路要四百萬,所以呢年鄭中基不停𢱑銀撲奶粉錢。早前新戲上映仲走去深圳做宣傳,但佢不忘 喺微博同 fans拜個早年。咁又係 嘅,唔勤力 啲 keep住人氣又點搵更多人仔呀!

蔡卓妍煎糕應節


做過人妻果然唔同 啲,對曆法有多少認識 嘅阿 Sa蔡卓妍, 喺「小年」 2月 3日入廚煎蘿蔔糕,原因係 嗰日要謝灶。阿 Sa為應節煎 咗底蘿蔔糕,煎俾邊個食?唔使估,都係陳生 㗎啦!





黃智賢祝福你




近期一劇接一劇曝光率非常高 嘅黃智賢,原來 喺國內都勁多人識。蛇年將至,佢就提早祝大家同佢一樣「撈乜都掂」! 

陳敏之撈起




長腿姐姐陳敏之憑住劇集《法網狙擊》人氣升到嘭嘭聲, 嚟緊仲轉型同郭晉安一齊主持飲食節目。趁住立春,佢同馬國明、吳卓羲同蕭正楠一齊去食「撈起」,寓意蛇年撈得風生水起。真係好意頭! 

李珊珊利是 ready




新年派利是係傳統習俗,未結婚 嘅可以豁免,但李珊珊入行無耐就已經學人派利是!今年佢一到立春,就搵埋鐘點姨姨幫手入錢,睇怕五位數都走唔甩。 

黃偉文古怪立春 look




一向着衫都潮過人 嘅黃偉文,每次出現都勢必要嚇人一跳,今次佢呢個人肉圖騰 look,雖然睇到人眼花花,不過都算係佢最有創意 嘅賀年立春 look。 

    tvb4life 發表在 痞客邦 留言(0) 人氣()