媽咪姐

回到未紅時

2013年02月08日 ~~ 第915期 忽然1周

2月份,特別多搞作,中國人有農曆新年,荷里活則有影壇盛事奧斯卡。
頒獎禮 2月 24日先舉行,媽咪姐同大家賽前熱身,特別搵嚟候選人陳年學生照,考考眼力,睇你認到邊幾個。

1後生可畏
角逐獎項:最佳女主角


呢位女星真係好勁,早兩年已經提名過影后。今年捲土重來再次挑戰影后寶座。演技爐火純青,年紀應該有番咁上下,不過呢位女星查實得 22歲,早前金球獎更擊敗梅姨,贏得女主角獎,絕對後生可畏。

2花瓶變實力派
角逐獎項:最佳女配角




近年快速冒起嘅女星,可惜一直被標籤為花瓶。為咗突破框框,佢為角色剃頭又暴瘦,終於贏得評審肯定,成功轉型之餘,更橫掃各頒獎禮嘅女配角獎。 

3影壇新貴
角逐獎項:最佳女主角




喺視圈默默耕耘十載,近年先轉戰影壇,成績斐然。當然啦,佢知名度冇安祖蓮娜咁出名,但潛力無限,更係今年影后大熱。大家絕對有理由要認識佢。 

4性格巨星
角逐獎項:最佳男配角




呢位叔父樣貌老實又嚴肅,專飾演一啲硬漢角色。即使早年演出科幻喜劇《黑超特警組》,依然不苟言笑,邊諗到佢後生時原來都識笑! 

5影帝級男配角
角逐獎項:最佳男配角




有人話女人好容易走樣,其實男人咪一樣!望下呢位男星,後生時幾咁瘦幾咁英,同依家相差十萬八千里。如果答啱呢條終極挑戰題,媽咪姐俾十個「叻」你!估唔到亦唔使灰心,俾多少少貼士,呢位男星早年憑《冷血字傳》封帝,唔知大家估到未呢? 

6陪伴大家成長
角逐獎項:最佳導演




雖然從事幕後,但作品廣為人知,咩《 E.T.》、《奪寶奇兵》、《舒特拉的名單》,可以話係陪住大家成長。講時講,大導後生同依家個樣差唔多,加番副眼鏡,大家可能會覺得面善啲。 

答案:




1珍妮花羅倫斯
《失戀自作業》


2安妮夏菲維
《孤星淚》


3謝茜嘉積絲婷
《追擊拉登行動》


4湯美李鍾絲
《林肯》


5菲臘西摩荷夫曼
《大師》


6史提芬史匹堡
《林肯》

    tvb4life 發表在 痞客邦 留言(0) 人氣()