媽咪姐

今期至瘦

2013年02月08日 ~~ 第915期 忽然1周

唔知幾時開始,女士開口埋口都話要減肥,瘦好似係靚 嘅指標,但如果減到過晒火,變 咗火柴人,媽咪姐睇見就驚驚哋囉!

Angelababy
罕露事業線


女神 Angelababy(楊穎)早前出席商場活動, 着住 tube dress嘅佢,以大露背見人,但骨多過肉,好拮手吓!活動期間,佢突然變 咗慢動作,原來條裙愈跣愈低,罕有咁露出兩吋事業線,神奇呀!




Angelababy條裙邊行邊跌,連兩大條膠紙都走埋出 嚟,要經理人不停幫佢抽起,好牙煙 啫!阿女,扒多碗飯啦。

謝婷婷
骨肉勻稱


上周五( 1日),謝婷婷單拖出席 Van Cleef& Arpels珠寶晚宴,以斜膊裙上陣 嘅佢,唔算性感。不過貼到爆 嘅晚裝,將佢纖瘦身材表露無遺,加上若隱若現騷長腿,一樣搶高收視,惹來唔少男士 嘅目光,真有計!




婷婷雖然冇打出心口,不過佢 嘅高衩晚裝飄吓飄吓,巧露長腿,連品牌 嘅全球總裁 Nicolas Bos都要𥄫多眼。

何明懿
逆轉時空


賭王何鴻燊姻親、富商何壽南個女何明懿,當晚孖住飲食大亨老公湯聖明出席晚宴。佢雖然年屆 50歲,不過出名保養得宜,堅挺上圍,加上緊緻皮膚,索過唔少後生女,抵讚!




何明懿以一襲低胸晚裝示人,腰是腰,胸是胸,仲送埋白滑靚背。

Deborah Hung
晒你冷


Dreamodels公司老闆娘 Deborah Hung同有「澳門大亨」之稱、上市公司保華建業執行董事兼聯席主席老公洪永時一同到場睇珠寶,順便晒恩愛。




身為前墨西哥模特兒 嘅 Deborah,露腰又騷背,晒盡 fit爆身材!

    tvb4life 發表在 痞客邦 留言(0) 人氣()