祖藍行出商台時,個樣唔多開心,一啲笑容都冇。

媽咪姐

變臉王祖藍獨冧粉絲

2013年02月08日 ~~ 第915期 忽然1周

有份創作《老表,你好嘢!》嘅王祖藍,先後俾無綫編審周旭明同關皓月圍插。祖藍最近索性透過報章回應:「我知道我可以直接同 Tommy(戲劇製作總監梁家樹)講我嘅橋,會令到好多人唔開心。但今次證明要有好創作,係要俾空間大家去吸收新嘢,我建議公司帶編劇同事出外旅行。」


不過一見粉絲,祖藍即發揮變臉本色,擺定甫士笑到甜一甜,任影唔嬲。

此言一出,即刻辣㷫《巾幗梟雄之諜血長天》嘅編審葉廣蔭,佢喺微博回應:「中港矛盾並非甚麼新事物……有經驗嘅編審一直不會強寫太敏感嘅題材,不嘩眾取寵,真正負起社會和諧責任……」明寸祖藍無見識,仲鬧佢唔好干涉其他部門嘅行政。
可能金牌編審輪住插,祖藍心情都麻麻哋。早幾日佢同助手離開商台,揦口揦面唔多老黎。不過見到粉絲,佢即刻變番個笑樣同佢哋影相。邊個先係米飯班主,祖藍心裏有數嘅! 

編劇圍插




插嘩眾取寵


質問編哪一集


鬧高層安排不智

 

    tvb4life 發表在 痞客邦 留言(0) 人氣()