吳佩孚師傅:首選上水、屯門創業!

青雲路

創業打工催運有法

2013年02月06日 ~~ 第1098期 交易通.搵車快線

新年新開始,今期《青雲路》請來玄學家吳佩孚師傅講解各行各業運程,吳師傅除了話蛇年旺屬火及木行業,如地產經紀、美容及零售行業外,蛇年亦有利創業,香港新界西北更是創業最佳位置。打工仔想在蛇年創業轉工發圍,必定要聽師傅贈言,做足準備。

創業篇 下半年一路向北


下半年淘金好機會!

吳佩孚師傅表示頭半年適宜籌備好好計劃,又或是邊打工邊累積經驗,千祈不要輕舉妄動辭工創業,創業好時機在下半年,即西曆 6月後。「頭半年由於神龍擺尾,西曆 6月前都會比較動盪,想轉工跳槽或者做老闆大展拳腳,宜近暑假或打後先動身。」
因蛇年利飲食業,創業以飲食業為佳,「蛇年五王帝星居中客,利屬土行業,如飲食業,想創業 嘅人士可考慮將傳統食物重新包裝推出,好似蛋撻、雞蛋仔、涼茶,諗吓點樣飛甩老土,不過要轉得快,蛇年都係快 嚟快去,所以要推出多 啲新產品留住客人。」 


古老當時興,吳師傅表示於蛇年創業可從傳統小食 着手,「只要有綽頭、從新包裝,市場會好受落。」

至於創業方位,香港北面最旺,財星聚集,包括東北的沙田至上水,而西北的屯門、元朗亦有利創業,「因為帝王居中宮的『中』亦引申指中國,近祖國地區都係遍地黃金,有水貨客、自由行支持;加上新界西北租金比油尖旺平,有利創業新鮮人初試牛刀。」此外,吳師傅話正值本命年的蛇仔蛇女,今年變動多多,大起大落,可以試試創業沖喜一下。 

打工篇 地產經紀有發圍( GOOD)


吳師傅認為即使頭半年運勢比較波動,好多人擔心樓市會大起大落,但地產經紀發展潛力最大,「暑假開始入市 嘅人會多好多,因為有 啲人會睇好樓市,有 啲又會怕上唔到車,無論樓價升定跌,地產經紀都會有生意,加上蛇年有利屬土行業,交投唔錯,年輕人未有搵工方向,可以考慮地產紀經。」雖然有利地產經紀,但吳師傅提醒一眾炒家,蛇年不宜炒樓。
催旺方法:地產業屬土,地產經紀可佩帶黃玉、黃晶、蜜蠟,有助催運。




黃晶手鏈售$1,888(a)

美容及零售業興旺( GOOD)


此外,吳師傅話蛇年的卦屬麗卦,有利屬火行業,從事美容師與醫學美容、健康食品、髮型師、燈飾設計師、補習老師或百貨零售 sales都不愁沒工開,「呢幾行長做長有,會一直暢旺到 2015年,好好把握機會,更上一層樓!」
催旺方法:美容零售等屬火行業已經夠旺,想旺上加旺,可以佩帶紅寶石、紫晶及鑽石來催運。




紫晶手鏈售$280(a)

旅遊及金融業有阻滯( BAD)




屬水行業在蛇年比較多阻滯,發展麻麻,如從事旅遊業、傳播媒體、運輸、物流、金融股票等人士要多加努力,但不要輕率轉行,先了解什麼工作合適自己,不要因發展平平而立即轉工,「今年多阻滯唔代表下一年都係咁,可以當呢年係播種期,等待出年 嘅來臨。」不過,吳師傅提議今年犯太歲的豬仔豬女、蛇仔蛇女,如果認真考慮過想轉行,在下半年動身亦可作新嘗試。
催旺方法:從事以上行業的打工仔可佩帶一些有龍公仔或形狀的飾物,有助化解及催旺事業。 

從事文職催旺法


木製手表售$722至$1,238(b)

不少工作需坐在辦公室,包括教育及公務員等行業屬木,蛇年可佩帶綠翡翠、綠寶石及木製飾物來催運。 

( a)天色禮品店( 2783 0185)
( b) HKID gallery( 2849 5685) 

撰文:陸伊琳
攝影:傅新發、彭自維
model: Clarisses@Zmodel

    tvb4life 發表在 痞客邦 留言(0) 人氣()