我得寵:咕口巨貓 生擒 高海寧


■高海寧抱着Yoda Baby時,牠即露出一副嬌嗲的模樣。

  宅男女神高海寧(高Ling)近年工作忙不停,雖然工作辛勞,但回家見到貓咪Yoda Baby圓咕碌似咕𠱸的臉蛋,都不期然地儍笑起來,更形容Yoda是隻像狗的貓,最耍家是加菲貓眼神,令高Ling急不及待要抱牠入懷。撰文:卓寶花

鏡頭前或工作時候見到的高海寧最矚目莫過於她的惹火身材,但原來這位宅男女神內心充滿愛心和憐憫,約一年前,她遇上現時飼養的愛貓Yoda Baby,當時Yoda被前主人嫌棄醜樣而被棄掉,但高Ling卻沒有這個想法,反而對Yoda一見鍾情,情急之際還未來得及詢問家人意見,便將牠帶返家。

為食肥嘟嘟

提起Yoda的身世,高Ling帶點氣憤說:「前主人買咗Yoda返去,嫌棄佢面頰下垂,鼻又扁,望落個樣唔精靈,覺得醜樣,所以唔要佢,真係好可憐,買嘅時候都知佢個樣,咁唔負責任。但係我唔知點解一見到Yoda覺得佢好可愛,就決定帶佢返屋企。」



■愛貓懂得向高海寧撒嬌, 

■高海寧滿載愛心,愛狗又愛貓。

帶Yoda返家時的確有點手忙腳亂,因為高Ling兒時除了在南京長大的時候飼養過街貓外,只養過烏龜、金魚等易打理的小動物,今次都花了一段時間去學習,她說:「初時買齊晒啲寵物用品後,都有問養貓嘅朋友,自己又會睇書研究,後來慢慢同Yoda相處,發現佢一啲都唔難湊,而且又乾淨,又識得自己去廁所,𠵱家我屋企人都好錫佢,就算我離開香港工作,都有屋企人幫我睇住佢。」



■異國短毛貓Yoda Baby,臉圓圓和加菲貓眼神,十分迷人。 陪睇電視冧

Yoda除了外形似加菲貓外,更被高Ling形容為為食貓,擁有圓潤的身形。高Ling說:「我本來鍾意狗多過貓,但佢真係好得意,肥肥哋圓咕碌,好似個咕𠱸,平時我坐喺梳化睇電視,Yoda好自然就纏住我。」高Ling與Yoda建立了深厚感情,曾想過為Yoda找個伴,但又未遇到合眼緣的對象,而且不想將愛心分散,還是將愛心百分百投入給Yoda。

    tvb4life 發表在 痞客邦 留言(0) 人氣()