星悅居

亞視嘟姐筱靖 扮靚迷你倉

2013年02月01日 ~~ 第914期 忽然1周

自爆月薪七千,有「亞視嘟姐」之稱的筱靖(Manecy),搵得唔多但有富貴爺爺照住,為她購入大埔兩房兩廳住宅。
不過 Manecy只是長駐睡房,因為房內擺滿她視為命根的扮靚工具。

Manecy在廣州出世,十多歲移民加拿大, ○七年因來港參選「亞姐」而入行。隻身來港發展的 Manecy,爺爺是內地著名「酵母之父」陳培。眼見孫女獨自在港居住,陳培五年前以三百多萬購入大埔一個七百多呎的單位,方便孫女返工。 Manecy說:「呢間屋由揀樓、裝修至買家具都係爺爺搞。呢度環境夠晒幽靜,又近亞視,所以就算依家升到六百多萬,我都冇打算換樓。」


頭飾及髮夾也是 Manecy的心頭好,而她多數在廣州入貨。她會買好多款式及顏色,方便拍攝旅遊節目時用。


Manecy的頭箍也多達六十個,原來她只用作早上洗臉時用,非常誇張。

硬撐王征出位




筱靖 ○七年參選「亞姐」入行,一 ○年因拒穿三點式泳衣而被亞視炒魷,但翌年她又回歸亞視,更出任「仁美清敍」公關一職達兩年。
去年尾亞視在中環舉行的反發牌示威活動,筱靖擔任主持,與王征齊叫口號。
近日她不時出言力撐亞視,被冠以「亞視嘟姐」的稱號。 

女兒家多數在睡房的梳妝枱化妝,但 Manecy反而喜歡在客廳化妝。而客房改建為衣帽間。「客廳連接露台,有自然光。 喺呢個位化妝會靚啲,所以我 喺梳化旁邊放 咗一張几仔放化妝品。我獨居嘛,最重要自己方便!」




Manecy飼養的水晶蝦,平均每隻約一百元,部分珍貴的品種更要五百元,全套器材約需數萬元。


客廳的家具不多,布置以簡單實用為主。梳化旁的茶几仔當梳妝枱用,方便筱靖用天然光化妝。




走出露台,雖然沒有豪宅的海景,但山景及園林予人舒服安靜的感覺。


Manecy收藏的耳環多達二百多款,這些耳環是她常用的款式。如果出席活動,她就會揀水晶耳環,或大牌子的耳環,以襯托高貴氣質。


Manecy的假眼睫毛多達數十盒,用得最多係「 Beauty Perfect」。佢會用日本「 Koji」雙眼皮膠水當睫毛膠水用,因為唔易敏感又黐得實。


Manecy愛用假髮作造型,入貨點係廣州及網上訂台灣及日本貨,部分真髮造的假髮,價值三千餘元。她說兩者最大分別是真髮可以燙,而纖維假髮就唔得。




家居擺設由愛錫自己的爺爺代勞,但寵物當然自己揀。 Manecy怕養貓、狗麻煩,所以買了十幾隻水晶蝦飼養,既可增加生氣又有催財作用。「我的命格需要『水』,所以屋企要養水棲動物。揀水晶蝦係貪佢哋特別,雖然水晶蝦好細隻,但有 咗佢哋,屋企真係有番唔少生氣。」
其實大埔這類低密度住宅,被不少香港人視為理想居所,不過 Manecy只視大埔這個家為「迷你倉」。「香港係工作 嘅地方,我 喺廣州有家人陪伴同照顧,感覺同我一個人 喺香港好唔同。香港間屋放滿衫褲鞋襪,我又冇時間執拾,有啲凌亂,真係似貨倉。如果連續幾日唔使開工,我多數返廣州陪家人,喺廣州至真正可以休息,有屋企人照顧,亦有工人做家頭細務。」


Manecy喜歡訂做晚裝,她會將心目中的款式告知內地的裁縫師。製作需時一個月,每件造價由三千至一萬元。唔怕同其他人撞衫!


「酵母之父」陳培(左)寵愛孫女 Manecy(右),去年七月更來港出席亞視台慶活動,力撐孫女。


專儲的骰款
客房變身為衣帽間,更有一個手袋櫃,內裏除放名牌手袋外,也有 fans送給 Manecy的公仔等小禮物。


Dior
約$30,000
MiuMiu
約$10,000


Chanel漆皮手袋
約$30,000


Manecy把常穿的高跟鞋放滿了走廊,當中大部分都是在內地訂做的,每對約千餘元至三千多元。

撰文:陳樂茵
攝影:潘啟德

    tvb4life 發表在 痞客邦 留言(0) 人氣()