Burberry

上流滙

腰殺令

2013年02月01日 ~~ 第914期 忽然1周

腰部線條能夠突顯女士魅力,未練成小蠻腰,大可於服裝上整色整水,塑造曲線美。最近大熱的 peplum剪裁(腰間的荷葉邊或打褶裝飾),大玩僭建美學,強調曲線設計,深受名媛、藝人追捧。能否突圍而出,就睇腰功有幾高章,可以抵擋這款腰殺令。

徐子淇高貴型格(Good)


Ricky評︰「 Cathy打扮好大體,件 peplum褸用唔同物料 match埋,突出腰線,斯文得來又好有型。不過下身襯深色 pencil skirt會更好,依家條啡皮裙唔長唔短,有 啲尷尬。」

舒淇古代女俠(Bad)


Paule Ka

Ricky評︰「金色裙襯金鞋, tone on tone好 sharp醒,腰 嘅 ruffle同黑 belt,突顯女人線條。不過髮型出事,又藍又紅好肉酸,同成身唔 match,好似古裝女俠咁。」 

徐濠縈長襪累事(Bad)


Fendi

Ricky評︰「 Hilary套衫 嘅顏色撞得好靚, graphic美學配上 peplum背心,型格十足。不過佢成身咁多 details,再襯對長襪就多 咗,騷腿反而令對腳修長 啲。」 

容祖兒霸氣十足(Good)


Fendi

Ricky評︰「 Joey條裙 peplum位好細緻,突出腰部線條,成個身形比例好好睇。全黑長裙襯條 chunky頸鏈,有大將之風。不過個妝唔使太花巧,簡單 啲會更好睇。」 

Kate Middelton典型淑女(Good)


Dior

Ricky評︰「王妃凱特將 peplum襯貼身裙,端莊優雅,感覺好高貴。腰間 嘅金扣皮帶,令成個感覺 fashion又 trendy,襯埋頂帽,好有淑女風範。」 

鄭融自暴其短(Bad)




Ricky評︰「佢本身較圓潤,再加 peplum皮腰帶,將腰位變得更粗更大。對紅色短 boots唔 match上身之餘,令佢雙腳縮短。玻璃絲襪亦令佢對腳更粗,好似金華火腿。」 

關心妍清新舒服(Good)


Aqua by Aqua

Ricky評︰「 Jade條裙突出腰線,簡單舒服,綠色系列感覺清新,配以 platform涼鞋,有時代感。不過唔要大圈耳環會更乾淨利落,依家有 啲畫蛇添足。」 

Peter Pilotto荷葉邊起義




以鮮艷的數碼印花聞名的英國設計師 Peter Pilotto,於 13年春夏注入不少荷葉邊元素,突出女士婀娜多姿的曲線美。 

易變水桶腰


星級形象指導郭慶彬( Ricky Kwok),早前被邀到巴黎時裝周欣賞 Chanel等大牌 fashion show。近年他由形象指導變身為老闆,於銅鑼灣開設時裝店。

Peplum熱潮由去年秋冬延續到今年春夏,不少大牌紛紛加入荷葉邊,演變出外套、背心、腰帶等裝飾設計。 Ricky指︰「 Peplum較蝦人 着,容易感覺累贅。佢可以收緊腰部線條,有遮蔽功能,但亦可能有反效果,令水桶腰變得更粗,好似水泡咁。選擇深色同較細型 嘅 peplum會較易 handle,但亦要注意腰線位置,太低會令下身變闊。配襯方面,下身應以 pencil skirt、 skinny jeans等貼身 嘢為主,加強女人味。」 

撰文:蔡靜雯
攝影:高嘉穎、邢華

    tvb4life 發表在 痞客邦 留言(0) 人氣()