句句金

句句金

2013年02月01日 ~~ 第914期 忽然1周

郭富城最近出席馬場活動,被問到同熊黛林點過情人節?佢模棱兩可講咗句:
我比較冇情人節。工作節、勞動節多啲。
有心嘅,日日都可以係情人節。女友啱啱丁父憂,就算唔係大時大節,都應該陪多啲就真。




許廷鏗被目睹跟欣宜喺機艙依偎,因而爆出戀情。日前佢出席活動否認緋聞,仲將個波推番落欣宜度,
我會叫佢檢點啲喇。
一隻手掌拍唔響嘅。女仔挨埋嚟,你就要哄過去嘞咩?荒謬! 




《老表,你好嘢!》熱播,演員之一嘅朱咪咪日前喺宣傳活動上大玩不文,主動撩同劇嘅林盛斌演牀上戲,
夠膽同我上,天氣濕,我係驅風祛濕除寒痰。
咪制呀,觀眾分分鐘睇到爆血管㗎。學祖藍劇中口頭禪話齋:和諧、和諧。萬大事有商量呀咪咪姐。 




龔嘉欣、鄧健泓早前分手,女方好姊妹姚子羚被問到鄧健泓花唔花心?佢冇直接回答,但意有所指講咗句:
佢唔鍾意排骨,鍾意鋸扒囉。
慘得過人哋鋸得開心吖。寃豬頭都有盟鼻菩薩,豬扒港姐點都會搵到佢嘅絕配嘅! 




蕭若元日前喺新書簽名會,藉「情侶分手」評論 CY、劉夢熊事件:
分手唔好唱對方,咁會變成互唱。 83年我同白姐姐分手,佢唱足我 4年,我從來冇回口。
掉番轉頭講,如果你冇虧欠人又行得正企得正,人哋無啦啦又點會唱衰你吖? 

    tvb4life 發表在 痞客邦 留言(0) 人氣()