我肥,但我肥得有勇氣!(設計對白)

忽然去片

肥妹,我撐你!

2013年02月01日 ~~ 第914期 忽然1周

媽咪姐一直覺得,係好嘢就唔好俾佢停!上一期,《老表,你好嘢!》中嘅肥妹陳嘉佳(小寶)對住鏡頭,直認肥爆,真性情盡現。今期,仲勁!重達 230磅嘅佢,立志開始做運動,目標係……愈減得多愈好!不過,睇片見佢由原地跳起……差少少唔夠一吋,到後來拗腰伸展,成功達標。真係流晒汗,有付出㗎。加油!媽咪姐減咗 N年嘅「減肥大業」就交埋俾你嘞!

《忽周》睇真啲正片唔好 miss!

愈戰愈勇









全盒,原來可以咁整!


媽咪姐份人,最勇於創新!啱啱睇片見到《忽周》教人整日本新年全盒,即刻 click入去𥄫𥄫啦。咦,原來樣樣都唔使點煮,烚吓就 OK。唯一係條魚要用鹽焗!但方法簡易,平時食都唔錯。 Yo!又有味新菜式俾 honey試咯。





花,係咁插嘅!


以往過年,媽咪姐都係去花市,買啲劍蘭菊花插吓就算。但今期睇咗《忽周》教人插花段片,就決定做人真係唔可以咁「隨便」!一於跟香港花會主席學吓點樣插盆型靚正嘅年花,威俾班靚太 friend睇先得。





    tvb4life 發表在 痞客邦 留言(0) 人氣()