戴住紅色 cap帽嘅梅啟明,拎住一大袋物品去收買檔賣嘢。見佢同收買佬有傾有講幾熟絡,似乎都交易過幾次咁。

媽咪姐

破產梅啟明賣碟套現

2013年02月01日 ~~ 第914期 忽然1周

媽咪姐前幾日去跑馬地搵朋友,咁啱撞到已故梅艷芳嘅哥哥梅啟明喎。早排佢告滙豐國際信託疏忽管理妹妹嘅遺產,結果敗訴拖欠 17.7萬訴訟費,被高院頒令破產。梅啟明曾要求法庭押後破產,等梅媽攞到遺產管理人發放嘅生活費後,就可以由梅媽代還,仲話可以變賣阿梅嘅名錶套現,不過法官最後拒絕其申請,頒令佢破產。

無錢一身「輕」嘅梅啟明,話咁快拎住個袋去搵街邊收買檔口賣嘢,當中原來係阿梅當係寶嘅收藏品——鄧麗君「島國之情歌第六集」。事後媽咪姐去問價,收買佬開價成千蚊一隻。咁梗係啦,呢隻鄧麗君嘅碟係一九七九年出品,仲要係黑膠碟,相當罕有㗎!
咁搞法,睇怕阿梅啲個人物品仲會陸陸續續俾人出賣,媽咪姐睇見真係心酸。


收買檔主展示梅啟明賣出嘅物品,當中有鄧麗君嘅黑膠碟,索價逾千元。


阿哥,你生性啦。

 

    tvb4life 發表在 痞客邦 留言(0) 人氣()