媽咪姐

網友勁 like徐子珊「細佬」

2012年10月19日 ~~ 第899期 忽然1周

《雷霆掃毒》就快去到結局周,嚟緊女主角徐子珊仲會由臥底變毒后,事緣佢發現細佬家俊(麥子樂飾)失蹤,原來俾李家鼎捉咗去虐打至死。痛失至親嘅子珊,連唯一依靠都冇埋,最終借助毒品去解脫。

講開細佬(麥子樂),原來唔少網友都大讚佢做得出色,就連「視后」佘詩曼都留言撐佢「做得幾好」!可惜麥子樂已跟大隊過檔 CTI旗下。早幾日,佢同媽咪姐講:「我一直唔鍾意自我宣傳,但見到咁多人支持自己,都好感動。其實,之前請咗半年假去上海學功夫,有內地公司斟過我,所以都唔想續約 TVB,最終就揀咗 CTI,最近就同黃日華拍緊《開腦儆探》。」無綫又走一個好演員,認真可惜。


無綫熱播中嘅《天梯》同《雷霆掃毒》都有麥子樂份,但由於佢已簽約 CTI,仲同黃日華拍緊《開腦儆探》,所以冇份做宣傳。


大班網友特登 cut埋「細佬」嘅片段放上網,大讚佢好戲又 cute,連阿佘都喺微博讚佢做得幾好!





文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()