插圖: Wendy

揞名爆

「大眼美人」「執到銀」「扮大廚」夜場指生晒

2012年08月31日 ~~ 第892期 忽然1周

「大眼美人」同「執到銀」好 friend,成日去 high tea,估唔到嘅係,呢 pair「富貴熟女孖公仔」竟然會一齊去蒲,仲要有富貴 club唔去,去啲中環花 𡃁夜場喎!據蒲圈嘅二五爆料,嗰日係 weekend,個場塞滿啲 𡃁妹呀鬼仔呀富二代咁,不過大部分都有個共通點——三十以下。所以大家見到食鹽多過佢哋食米嘅「大眼美人」、「執到銀」再拖埋成日喺飲食節目鬧人嘅「扮大廚」入場坐低開香檳,對眼真係差啲跌出嚟咁滯!

點知,佢哋三個坐低無耐,就嗌咗經理埋嚟訓話:「阿經理,隔籬枱成日有人舉起部電話,唔知係咪想偷影我?你可唔可以叫佢放番低部電話呢!仲有呀,佢哋講電話好大聲,你叫佢哋出去傾啦……(下刪 50字投訴)」噢,依家乜嘢年代呀?媽咪姐都成日拎個 iPhone出嚟 㩒 㩒 㩒啦。仲要唔俾人講電話?夜場嚟㗎喎!不如 cut埋音樂擺本詩集出嚟唸好冇?但經理見「大眼美人」同「執到銀」都係星,係咁意都要走埋隔籬枱「勸喻」兩句,但啲蒲友梗係睬你都傻!三位前輩坐咗一陣,知自己唔受歡迎,都無癮走啦。其實咁驚青,咪包場囉,以你哋嘅人面,點都有 99折喎!

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()