心口好肉的劉心悠窄身吊帶T加短褲,要乜有乜。

賺快錢 三十一歲的劉心悠入行多年,幾乎零是非,不似同公司傅穎鑊鑊新鮮。形象乾淨,廣告約自然不絕;脫毛產品、護膚、中式嫁喜餅,由外到內,食得唔食得都有佢份。最近劉心悠更取代王菀之,到泰國拍攝全新一輯Lactacyd女性潔陰液廣告。
廣告將在香港、泰國及星馬四地播出,但由於馬來西亞有不少回教徒,劉心悠要特別拍多一個保守版,收埋美好身段。

踢走王菀之
出道八年的劉心悠,作風低調,唔聲唔聲,去年在內地憑熱爆劇《步步驚心》人氣急升,微博粉絲人數增加超過三十萬。
拍劇賺人仔賺人氣,回歸香港還債,一口氣拍了三個廣告,分別有合作多年,再續約的Fancl健康產品、奇華禮餅,以及取代王菀之,做新一任Lactacyd女性清潔品代言人,話咁易又袋過百萬。

自費請教練
廣告早前拉隊到泰國拍攝,劉心悠穿上超窄身吊帶背心及超短褲埋位,晒腰露臍。不過,廣告的大馬版本,露腰露腳露「加拿大」一概不能接受,所以要另外拍多一個密實版,唔見腳唔見膊頭,點知拍到興起,心悠忘形又搖又擺,唔覺露出少少腰肉同「加拿大」,嚇到導演即時嗌cut,嚴禁她再露肉。知道要晒料拍廣告,劉心悠數月前已作好準備,頻頻健身,自費請教練幫手,每星期做gym兩次,免得失禮街坊。

唔著三點式
平時鍾意收收埋埋的劉心悠,偶然出席活動雖會稍作性感,但卻無意跟隨時下「賣肉求榮」風氣。「我好保守,連去游水都唔敢著三點式,只係近排拍嘅都係瘦身,健康護理產品,要俾個身形大家睇,唔可以咁多布,所以性感少少啫!」

求之不得
拍廣告易賺快錢,藝人求之不得。女藝人專享,係女性衞生用品,有大嚿錢落袋,尷尬都冇問題。 容祖兒容祖兒代言產品多元化,飲品、波鞋、服裝、電器乜都有,10年,突破性與三名模同為外國品牌女性衞生用品拍廣告。 張栢芝 08年爆出「淫照風波」後,形象破產的張栢芝消失幕前近一年,復出後拍的第一個廣告,便是內地品牌女性衞生用品,但播出後即被觀眾投訴,廣告商唯有將廣告抽起。 廖碧兒連續做咗五年女性衞生用品代言人的廖碧兒,因被踢爆劈腿搭上林忠豪,被廣告商嫌棄形象差,換上王菀之,代言一年,再換劉心悠。 ####


繼《步步驚心》之後,劉心悠的新劇《唐宮宴之女人天下》即將播出。poster所見,楊恭如及惠英紅也靠邊站,劉心悠榮升女一。


王菀之也曾任該品牌代言人,但得一年貨仔,便被劉心悠踢走。


大馬版廣告分吊帶及密實背心兩個版本,同成班泰女扮到好好傾,劉心悠話大家言語不通,頗有難度。


星港泰版


劉心悠年年跑馬拉松,形象夠健康,獲Fancl續約再做代言。


奇華嫁女餅廣告,劉心悠著露膊婚紗,露性感鎖骨。


到泰國拍攝四日,劉心悠餐餐大魚大肉,無辣不歡。


拍攝班底全是泰國人,劉心悠跟導演睇play back表達意見。


泰國拍外景又熱又多蚊,助手攞水擔遮,仲要準備埋電蚊拍。



文章標籤
創作者介紹
創作者 tvb4life 的頭像
tvb4life

明星八掛大分享★☆

stacylife 發表在 痞客邦 留言(0) 人氣()