珉舞雙全 鄭珉

贊助商連結

想搵份好工,讀商科似乎是大勢所趨,不過現年二十四歲的鄭丹瑞細女鄭珉(Amanda),就相當「離地」,選擇到英國修讀考古學,當年更因為父親一篇名為《搵食》的專欄文章,力撐她讀考古,成為網上熱傳潮文。

幾年後的今天,鄭珉並沒有從事考古工作,反而於媒體公司Wondersky Media Limited擔任兼職製作人及兼職瑜伽導師,一樣樂在其中。

「我好彩,屋企唔係緊急要我搵錢嗰種,好開心爸爸無逼我做第二啲嘢,畀我自己摸索。人哋話我讀考古出嚟搵唔到工,其實o依家二十一世紀,你想做乜咪做乜囉,最緊要睇你有無才能同機會,只要有能力,讀乜嘢又有乜所謂!」

條條大路通羅馬,讀考古學的鄭珉,一樣不愁出路。

早前有份客串父親執導電影《小男人週記3之吾家有喜》的她,笑言拍戲好玩:「雖然無話好想做幕前,但有機會嘅都想試吓做茄喱啡,覺得好好玩。」

 

去年(左一起)Amanda與父親鄭丹瑞獲母親盧維思及胞姐鄭瑤慶祝生日:「我同爸爸同月同日生日(十一月二十七日),好多時都會一齊慶祝。」

 

出世後不久,鄭珉一家移民到加拿大生活,直到六、七歲時才回流香港。

贊助商連結

打仗避戰火

因為一篇潮文,令我認識鄭珉,於University College London修讀考古學學士及碩士課程的她,從小喜愛歷史,揀讀考古只因好玩。「我對歷史一向好有興趣,亦清楚自己唔想坐喺一間公司度做嘢,就諗不如試吓讀考古喇,讀咗之後又真係鍾意同好玩,(大學)暑假第一年就去咗以色列實習,第二年就去咗羅馬尼亞。」

可以到處實習,聽落好玩又刺激,但其實背後險象環生,她到以色列實習時,更遇上戰爭。「我去以色列嗰時,嗰度打緊仗,直頭會有炸彈喺空中飛過。雖然我身處嘅地方好安全,但夜晚都不時聽到有警報聲響,瞓都瞓唔着,全組同學就會去防空洞避難。

「有啲鬼佬同學嘅家人好驚、好擔心,要即時叫啲仔女走,但我唔驚,仲同爸爸媽媽講呢度好安全、好好玩,嗰時覺得(意外)唔會發生喺自己身上。實習完之後,仲同啲同學去附近死海玩!」

初生之犢不畏虎,加上不怕辛苦,就算鄭珉去到羅馬尼亞,每日在太陽下進行挖掘工作,一樣無有怕。「我哋每日凌晨四點出發,早上開始挖掘工作,掘到中午一點左右,有時一掘就要掘成日。羅馬尼亞天氣好熱,但我都係照着住短褲短衫去,唔會全副裝備,唔驚細菌又唔怕曬黑,反而啲鬼佬要着晒長衫長褲驚曬傷。」

鄭珉笑言,挖掘工作很多時都得個桔,多年來最成功的,是掘出一塊遠古石頭。「讀咗考古之後先發現,原來挖極都搵唔到嘢嘅,成日得個桔,又或者根本唔太清楚掘咗乜嘢出嚟。我有同學試過掘到銅器,但我就只掘到一嚿類似遠古石頭嘅嘢。我亦曾經試過唔小心一嘢鋤落去(泥入面)鋤爛咗(古物),惟有當佢原本就爛咗喇,哈哈!」

擁有碩士學位的她(右),就連胞姐鄭瑤(前)都是高學歷分子,於英國中學會考考獲11A佳績,現擔任Fleishman Hillard財經公關。

 

現時她一星期教授三天瑜伽,再兼任兼職製作人,職場生活相當充實。

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()