劉溫馨執清「吉」屋迎桃花

贊助商連結

年廿八,洗邋遢!無綫藝人劉溫馨女神出浴洗白白,直言近日執屋狂掉家中雜物,令屋企煥然一新,更希望新一年桃花長旺!除劉溫馨外,藝人鍾采羲亦有用碌柚葉沖涼洗走頹氣,而陳鈺芸則去美容院扮靚,作另類「洗邋遢」!



劉溫馨近日鑽研斷、捨、離的生活態度,把家中雜物捐給有需要人士。

無綫小花劉溫馨依照中國傳統習俗,實行「年廿八,洗邋遢」,被滿滿的番梘泡包圍。溫馨「出浴」之餘童心未泯,不時興起大玩泡泡,更笑說:「每到農曆新年,我都一定會將屋企執得好乾淨,加上今年我睇咗本書講人生嘅斷、捨、離,即刻將好多身外物捐晒出去。有個朋友幾年冇上過我屋企,最近上嚟第一句就話:『嘩,好乾淨同空曠!』」

返日本度歲

溫馨自返港發展後,一直自己照顧自己,事關所有家人都已移居日本,故今個農曆新年,她亦會「移船就磡」團年:「會返日本幾日,日本人比較重視新曆新年,所以我返去都只會同家人圍埋一齊睇吓電視、食吓餃子咁。好彩我喺親戚當中年紀比較細,所以成日收到大利是過肥年!」


劉溫馨望新一年桃花處處,有好劇本發揮。

劉溫馨用泡泡弄出不同造型。
靜待好劇本

談到狗年願望,事業心重的溫馨笑言希望有多多桃花:「桃花代表人緣,做得呢行梗係想愈多愈好啦。我生肖屬馬,屋企人話我知,狗年我應該會幾好運嘅,我就希望接多啲好劇本、拍多啲有得發揮嘅劇集。雞年我拍咗王晶嘅《荷里活有個大老千》,戲裏面演年輕版薛家燕,我覺得個角色有喜感之餘亦好有發揮,係一部我好期待快啲畀觀眾睇到嘅戲。」

文:影視組 攝:吳文聰

場地:beaustyle@佐敦

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()