男友夥吳肇軒朱鑑然玩遊戲
歐鎧淳爆胡子彤偷食:唔係第一次

贊助商連結


■胡子彤(中)玩遊戲時連環中招,女友歐鎧淳更爆他偷食不止一次。

【《蘋果》專訪】吳肇軒、胡子彤和朱鑑然日前在尖沙嘴接受訪問,推薦簡單好玩小遊戲,劉嘉玲、林耀聲、歐鎧淳及談善言更驚喜「現聲」。三人事前準備乒乓波、膠杯和小紙張:「我哋今次玩New Year Challenge Pong,將乒乓波掟入隻膠杯度,寫晒啲懲罰喺唔同膠杯入面,睇吓掟中邊個就要罰。」

 

談善言罵賤格

贊助商連結

遊戲開始後,肇軒被罰問嘉玲借888元。肇軒打電話前緊張說:「我會唔會斷送咗我嘅事業㗎?」正在內地拍戲的嘉玲接電話後,肇軒聲震震問:「嘉玲姐,你好,恭喜發財!身體健康!我想問你借啲福氣呀?」嘉玲說:「咁早同我拜年?好呀,你想借乜?」嘉玲爽快答應借錢後,肇軒緊張握拳說:「我標晒冷汗呀!事實證明嘉玲姐真係好nice。」
子彤掟中「向朋友出櫃」,他打給林耀聲,講完無謂說話後就投降說:「Sorry呀!我真係做唔到。」身旁的肇軒和朱仔大叫:「垃圾。」失敗的子彤要再打給談善言,最初談善言認為「你一定係玩緊我」,及後相信子彤的性取向疑慮,得悉玩遊戲時,談善言大罵:「好賤格呀!」


■吳肇軒(左)打給劉嘉玲借錢時標汗,要休息食雞蛋仔補充體力。


■胡子彤和朱鑑然(右)示範玩簡單小遊戲,過程中發生不少趣事。


歐鎧淳 資料圖片

初時反應冷漠

輪到朱仔打給歐鎧淳,爆她的男友子彤疑似偷食:「Tony(子彤)好似同個女人食緊飯。」歐鎧淳初時反應冷漠,但經朱仔反覆講幾次後,她突爆了句:「唔緊要啦,都唔係第一次㗎啦。」全場即鴉雀無聲,朱仔連忙自首,歐鎧淳就帶點愕然收線。一直聽着女友反應的子彤,面青說:「冇事嘅,佢唔會嬲。」事後,三人拍片道歉,笑言會請食飯謝罪。之後分享狗年大計,仍是棒球員的子彤希望今年兩場大賽有好成績,肇軒則說:「我想睇多啲書,不過打機都係要嘅。」朱仔表示想學打鼓和前空翻。
採訪:盧妹
攝影:葉君海
化妝:Bon Bon of MOD
髮型:Nick(吳肇軒)、Anson(胡子彤)、Ziv(朱鑑然)(All from Orient4)
場地提供:尖沙嘴RedMr

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()