Be Water, Sherman 鍾舒漫

贊助商連結

李小龍曾如是說:「Don't get set into one form, adapt it and build up your own, and let it grow, be like water... Now, water can flow or it can crash. Be water, my friend.」

意思大概是着大家要活得像水一般,既不失自有特質,又能融入在不同的環境下。

鍾舒漫(Sherman)以此為鑑,引伸到新歌〈Be Water, My Friend〉,以過來人身份,來分享自己出道這十年的體會。「無論我把聲定係形象,我都曾經因為人哋說話嘅影響而迷失過。

「我初初入行,明明有意見都唔敢講,公司畀我嘅訊息係:『Sherman係有啲硬頸,好有自己嘅一套,唔係咁聽人講嘢……』OK!咁我咪盡量open啲囉!聽吓人哋嘅意見囉!鍾舒漫唔係啱晒o架嘛!」

然後,她一直為迎合着別人努力求變求進步,得到了很多很多,卻愈來愈不知自己在做甚麼。直至今年年頭,她重看初入行時的演出片段,驀然回首,才醒覺原來早已忘記了自己。

「成個過程係好痛苦o架,但可以搵得番真正嘅Sherman,都係值得嘅!」

這是一個關於「Be water」的故事。

 

 

老土黑人

贊助商連結

鍾舒漫仍然很記得,十多年前她從英國回港參加「英皇新秀歌唱大賽」時的look。「我由細到大都好鍾意聽黑人嘅歌,鍾意佢哋着衫嘅style同文化。我初初返到香港時,成日戴金色耳環同鼻環,啲頭髮all back,去見公司(英皇)嘅人,佢哋一見到我咁就話:『戴金色耳環,真係好老土呀!』我當時惟有答:『哦,係嘅。』但心諗:吓?咁樣好潮o架喎!」

另一項公司接受不來的,是她的膚色。「我本身啲皮膚已經偏黑。出道前,我要去關島做嘢,帶晒黑鬼油去嗰邊曬,想再黑啲,可能真係曬得太黑,公司唔係好滿意,加埋我嗰陣好鍾意化smoky eyes,所以我一出道,畀人最深嘅印象就係:黑忟忟同smoky eyes。結果外面好多好多評語,講到連我自己都會諗:我咁樣真係好肉酸呀?咁我轉啦!之後我就一直冇再曬嘞!」

唱歌,她本來是最有把握的,但還是惹來一些意見。「我啱啱入行嗰陣,只係知道自己得一把聲,我冇乜顧慮,聲又唔開、ear-mon又唔戴,就係咁出場就唱。

「後尾有次我出咗首慢啲嘅情歌,唱完,好多人都話唔啱我唱。係,我把聲唔係好soft,但我都有畀感情落去o架,乜嘢事話唔啱我唱呢?」

 

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()