詩密語 黃宇詩

贊助商連結

人在江湖,每每身不由己。現年四十一歲的已故「一代鬼才」黃霑女兒黃宇詩(Ursule),本已以「名二代」身份涉足娛樂圈,近年營商的她,早前再次被傳媒翻舊帳,指她於一一年戀上人夫、公司董事彭慶餘(Peter),成了小三。

對於再因此事成為C1頭條人物,黃宇詩坦言不開心:「我都好明白做一個公眾人物,曝光率好重要,但我真係唔想自己嘅私生活畀晒所有人知。我最唔開心係,呢啲新聞一出,就好似將我之前所做嘅事,統統抹殺晒。希望日後我一切嘅感情事,都可以低調處理。」

即使身不由己,黃宇詩還可以隨心而行。

 

贊助商連結

雖然已轉型,但黃宇詩坦言對娛樂圈仍然有團火,如有合適的工作,她亦會抽時間參與。

 

16、17歲的黃宇詩,每年暑假都會回港探望父親黃霑,其父亦例必購買一大束靚花送給她。

 

十三歲跟隨母親移民加拿大的她,回想當年英文不太好,故每晚也要留在房間查字典。

 

問心無愧

被指為小三的黃宇詩,日前在其位於上環PMQ元創方的內衣店接受訪問,對於身邊人Peter,她稱已視他為終身伴侶,並再三坦言不想再談:「其實我之前已經講得好清楚,呢件事再次畀人攞出嚟講,我當然有唔開心啦!因為我覺得呢件事一出,就好似抹殺晒我多年來在各方面嘅努力,我唔係介意人哋點睇我,只係希望大家唔好淨係睇八卦新聞,可以多啲留意吓我嘅工作。所以我真係唔想再喺呢件事上,作任何嘅評論同澄清,總之佢幾年前已經離咗婚,我哋係光明正大,所以唔應該攞出嚟再講,希望大家可以明白!」

對於小三傳聞,她坦言不願多談,但現時的感情狀況,她則輕鬆笑說:「一切都好好,好開心,我哋喺埋一齊五年,相處得好舒服。記得以前細個,我對男朋友嘅要求當然有期望,希望有才華、轉數快,又叻又性格好,可以令自己開心,但係叻嘅人通常性格有缺陷,要你去遷就佢,而且叻嘅人又唔會有好多時間陪你。

「直至我遇上佢,雖然佢無咩特別嘅才華,但佢份人好簡單,事事都以我為先,而且佢亦喺我嘅生意上畀好多意見我,因為我係一個好心急嘅人,所以佢成日叫我定啲嚟,要沉住氣,唔好衝動,所以我同佢一齊真係一啲壓力都無,好舒服。」

既然感情如此穩定,可有結婚的打算?「我覺得我哋o依家嘅生活好好,暫時都無(結婚嘅打算)。媽咪(華娃)知我有拍拖,但一直都冇催我結婚,所以我真係好多謝佢。而且我都唔打算生BB,所以結唔結婚都無咩所謂。(你唔鍾意小朋友?)唔係!我都好鍾意小朋友,不過我覺得自己唔夠耐性,亦未ready去做一個媽咪。」

兩歲時的黃宇詩長得十分可愛,與年長她兩年多的二哥甚為老友。

 

在娛樂圈人緣甚佳的她,經常都會與好友出席不同的飯局,當中其男友Peter(箭嘴示)也有參與。

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()