報喜訊已婚 老公識戚其義
簡慕華嫁同學

贊助商連結


■簡慕華日前喺微博宣佈婚訊,但佢噚日話其實去年4月已經結咗婚。微博圖片

現年41歲嘅簡慕華曾經係金牌監製戚其義愛將,拍過《金枝慾孽貳》同《心戰》等劇,演技備受讚賞,舊年2月佢拍完無綫劇《超時空男臣》之後決定離開娘家向外闖。原來簡慕華做咗人妻,今個月4號喺微博貼咗自己同老公嘅相,留言話:「We do. We did. Forever and always.」


■舊年2月簡慕華拍完《超時空男臣》之後,4月就結婚去咗加拿大。劇照


戚其義 資料圖片

聚會結緣

贊助商連結

馮仁昭噚日問番簡慕華,佢話其實係上年4月結咗婚,問點解𠵱家至喺微博公佈喜訊?佢話:「我一直喺加拿大,呢排返咗嚟香港,始終有機會俾人見到你喺街,所以趁呢個時候公佈。」佢話同老公係中學同學,老公移民加拿大後,幾年前回流香港,大家喺同學聚會見番,覺得幾啱傾,之後開始拍拖。講到佢同戚其義傳緋聞多年,簡慕華笑住話啱啱先至同阿戚打完波:「講咗好耐㗎啦,既然大家咁愛戴,我哋冇所謂啦,得啖笑。」佢仲話老公都識得阿戚。
離開TVB之後,簡慕華話想出去睇吓多啲唔同嘅嘢:「我諗住繼續做番呢行,但想轉吓環境,所以冇同TVB續約,揀到鍾意工作先至做。」
撰文:馮仁昭

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()