細細粒扮低智被虐喊爆

贊助商連結

重量級身形嘅細細粒(陳嘉佳),單睇外形,至啱做啲蝦蝦霸霸嘅角色。不過,佢最近喺新劇《是咁的,法官閣下⋯》中,竟然一反常態,被委派飾演做一個低智商嘅弱質女子,更慘被男友家暴。

日前,東姑去灣仔警署探班,當日劇情講述細細粒,又遭男友打到雙手紅紅黑黑,仲搞到要報警求助;而最後嗰段戲就由友人陳志健護花離開。事後,細細粒同東姑講︰「今次嘅角色好淒涼,成日要喊,拍十幾日,得兩場戲唔使喊。好彩我都喊得吓,仲一take過,導演就收貨。」佢又唔覺意透露咗啲劇情:「我不但會被男友打,最後仲幫朋友去肢解,要坐監收場。」

細細粒坦言今次呢個角色,全靠監製同佢詳細分析,令角色更加立體,所以佢好快入度戲,搞到東姑都好期待套劇快啲出街。

被男友打到雙手又紅又腫的細細粒,一見男友現身,立即驚到爆喊。

 

細細粒今次喺新劇中飾演低智人士,經常畀男友杜大偉(右)虐打,並由律師林景程(中)帶佢報警備案。

 

劇中,細細粒再度遇人不淑,來接佢走嘅陳志健都唔係好人。

 

最後,陳志健在劇中殺人,細細粒仲幫忙肢解,兩人當然被捕,冇好下場啦!

 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()