蘇志威過百萬玩具

贊助商連結

人稱「蘇老闆」嘅蘇志威,投資有道,唔單止繼續活躍於娛樂圈,佢仲好積極搞生意,包括開設跳舞學校同埋禮服店,仲搞得都相當有聲有色,難怪佢豬籠入水。

搵得錢當然要好好獎勵自己,閒時佢都有玩下名車辣跑咁,好似東姑早前喺九龍城,就見到蘇老闆將佢架掛住「JUMP」車牌,過百萬嘅黃色保時捷跑車泊喺街上嘅咪表位。不過,見佢貴人事忙,一路行趕去入表,一路仲揸住個平板電腦,喺度係咁篤,唔知度緊咩生意大計,秒秒鐘真係幾百萬上落咁款。好彩佢識work hard play hard,唔會一味辛苦做嘢,仲識玩下車嚟放鬆下。

見佢行到去咪表位,終於肯放低手上嘅平板電腦,一陣咁多啦。

 

蘇老闆邊行邊等過馬路,仲揸住個平板電腦不停「篤」,好似計緊數、忙緊大生意。

 

蘇老闆呢架車掛住「Jump」嘅車牌,唔知有乜特別意思?不過車價不菲,車價約一百三十萬。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()