阮小儀悶悶不樂

贊助商連結

余文樂(樂仔)早排正式封盤,同拍拖一年嘅台灣女友王棠云拉埋天窗。事後,好多人走去問阮小儀(小儀)回應,原因係早前網上曾經瘋傳佢同樂仔公開戀情,雖然純屬誤傳得啖笑;不過,樂仔喺社交網就留言承諾,「小儀,如果我過幾年都找不到對象的話,我們就真的在一起吧!」

如今「男神結婚了,新娘不是我」,咁啱,東姑早前喺九龍城嘅一間酒樓遇到小儀,見佢同個女性朋友飲茶,全程都悶悶不樂,唔知係咪因為樂仔結婚,最終冇機會兌現承諾,搞到小儀都難免失落,成個人都變得頹晒!現場見佢一臉失落嘅樣,好彩身邊嘅女性朋友,似係不停安慰佢,慢慢先見佢露出小小笑容,臨走前總算重現歡顏。

小儀喺飲茶期間,成個面口都嬲爆爆,又好似冇厘心機咁,唔願講嘢。

 

同枱嘅朋友見小儀一臉失落,猛撩佢傾偈講嘢,似係安慰佢。

 

本身性格開朗嘅小儀,好快畀朋友o氹番掂,仲笑笑口同朋友蹺住手離開。

 

因為早前呢張攬攬相,所以網上曾經瘋傳小儀同樂仔公開戀情。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()