KC同老婆 Wendy結婚 22年,依然去到邊都糖黐豆,羨慕死人。

探熱針

KC真人唔花弗歐瑞偉俾老婆揸晒數

贊助商連結

56歲的歐瑞偉入行 32年,當年做龍虎武師出身,演出超過一百套劇集。 12年有份拍處境劇《愛•回家》,飾演賤精律師 KC一角入型入格,又 mean又刻薄,反而成功入屋。
不過現實生活中, KC並唔係好似劇中咁花弗,原來係好好先生一名,同老婆 Wendy結婚 22年,已經育有一仔一女。早排兩公婆拍拖行銅鑼灣, Wendy陪完 KC買西裝, KC又陪番老婆睇手袋,結婚咁多年都仲咁恩愛,真係羨煞旁人!

 

 

做過男一
八五年加入訓練班,歐瑞偉( KC)被揀中成為銀河七星之一,做過男主角。九五年 KC在劉家輝搭路下去過大馬發展,試過做導演,執導第一部電影《 O記實錄之梟情》,仲識埋老婆 Wendy,當年 Wendy仲係當地一線花旦,拍過幾十套電影,兩人拍拖五個月即閃婚,婚後誕下一對仔女。九七年一場金融風暴, KC一家逼住回流香港,原本打算北上發展,又唔捨得老婆仔女。為咗生計, KC重返大台拍劇,由閒角做起。
KC雖然囗囗聲聲話自己唔識氹老婆,但其實非常顧家,平時一放工就歸心似箭,放假定必同仔女出埠放電,享受家庭樂。難怪 Wendy早排接受訪問自爆當年閃嫁 KC原因,正因為「他很孝順顧家」。


演得又打得, KC做任何角色都豁出去,堪稱「綠葉王」。

 

KC同 Terry(李偉健)在《開心速遞》中彈出,觀眾對他們的關注度,比主角還要多。

 

KC揀啱西裝,老婆負責簽咭。


得到 sales姐姐熱情款待, KC好 hyper!

 

絕種男人

 

Wendy睇中價值$12,900 Saint Laurent手袋,諗過度過後都係放番低,錫住老公荷包。

老婆揸數
早前 KC同 Wendy孖住去銅鑼灣 shopping,兩公婆沿路一直手拖手,傾到唔停口,不知幾恩愛。第一站先行名店 Dunhill買西裝,有老婆做形象指導, KC掛住篤電話。 Wendy捉住 sales哥哥不停問,見她揀的款式全部淨色簡單為主。揀咗一輪,終於有一套啱老公心水,老婆話事, KC冇得 say no,試上身後即刻扑槌。
出名係「愛妻號」,財政大權梗係交俾老婆掌管。埋單時 Wendy負責簽咭, KC繼續繞埋手。離開鋪頭前, sales們吼準機會要求合照,面對熱情 sales姐姐, KC有求必應,臨走時仲興奮 say bye。 KC有收穫,輪到老婆睇包包,兩公婆轉場去阿太最愛品牌 Coach。 Wendy目標明確,主攻細手袋,見佢左揀右揀,似乎冇乜心水, KC又喺旁邊不停俾意見,但最終都係冇收穫。


pq兩個行到邊都拖到實。

 

好恩愛。

陪睇包包
之後兩公婆轉場行 Saint Laurent,見到啲包包, Wendy即刻好雀躍,拎住個價值一萬二千九百元的 chain bag睇完又睇,打開同老公研究手袋間格,跟住又試孭上身,似乎好啱心水。不過諗過度過之後, Wendy最終都放低,錫住老公銀包。


KC同吳岱融好老友,早前兩家人齊齊上郵輪, KC 21歲囝囝 Nicholas同 18歲囡囡 Nicole曝光。

 

在《愛•回家》中飾演賤精律師, KC成功入屋。


KC在《同盟》中飾演忠心耿耿的保鑣「易先生」,演技備受讚賞,更獲提名《萬千星輝頒獎禮》「最佳男配角」。

 

KC扮女人著水手服造型,被指相當重口味。

武打出身
圈中有不少自小便習武的武打明星, 56歲的歐瑞偉,本來是體操運動員,其後,龍虎武師及武術指導出身, 86年,無綫劇《真命天子》,歐偉瑞曾做劉德華替身,後來劉德華更親自介紹歐瑞偉報讀藝員訓練班,自此一劇接一劇於《神劍魔刀》及《飲馬江湖》等擔演男主角。近年,於《城寨英雄》、《同盟》等劇,角色大受網民歡迎,人氣急升。

張晉


九歲便習武入隊的張晉,細個以為識武功可以做明星,入行後,捱過多年做茄喱啡及替身的艱苦,近年憑住一身功夫,於電影《一代宗師》及《葉問 3》等劇成功上位,片酬由龍虎武師的一百幾十暴升到五百萬元,身價十級跳。

成龍


一代功夫巨星成龍,自小沒有受過正統教育,六歲時認于占元為義父,學京劇及功夫,為于家班成員之一。 80年,成龍開始打出國際市場, 07年北美上映的《火拼時速 3》創下近 1億 4千萬美元票房,絕對係香港功夫片代表人物之一。

洪金寶


童星出身的洪金寶,十歲拜師入于占元門下,是「七小福」的大師兄,於電影圈打滾接近五十年,曾經拍過不少功夫動作片,第一部擔任龍虎武師的電影是《奪命雙劍》,獲台灣第一屆金龍最佳武術指導獎,去年,再自導自演《特工爺爺》,叫好叫座。

撰文:娛樂組 
攝影:余一駱 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()