菊梓喬同張景淳等所有觀眾離開,才捨得行出戲院。

探熱針

《勁歌》頒獎禮取代吳若希,菊梓喬嗒埋張景淳入屋過夜

贊助商連結

去年先加盟星夢娛樂的菊梓喬( Hana)遇上一姐吳若希大肚生仔,無啦啦攝到位備受力捧,結果在今年《勁歌金曲頒獎典禮》,取代吳若希得寵地位,可以掃走四個獎,成為女歌手中的大贏家。
事業有起色,愛情方面亦有着落,撞啱相識多年,在《天與地》飾演家明的張景淳,同拍拖一段日子的華姐宋雙佳 N度分手,極速攝位由朋友變拖友,早前兩人鬼祟到又一城拍拖睇戲,之後 Hana做埋司機送上門,到張景淳位於將軍澳的住所過夜。
時來運到,事業愛情兩得意,但係怕唔怕向來唔鍾意旗下囡囡拍拖的唱片公司老闆何哲圖唔高興,將她打回原形。

 

 


吳若希忽然大肚生女

 

菊梓喬先攝到位被星夢力捧,並於《勁歌總選》連掃四獎。

鬼祟睇戲
披頭散髮的張景淳最初單拖在又一城戲院附近徘徊,其間接到電話,九秒九走到商場外,從一架駛過的私家車接過兩袋物品,隨即折返戲院,夾啱時間化行妝,戴上眼鏡的菊梓喬已默默地守候。
張景淳上前同 Hana處理好各人手上的物品,刻意彈開單拖走去買飛睇十點場的日本電影《 22年後の告白——我是殺人犯》, Hana下意識緊隨其後,但男方示意她搵地方「柄埋」,女方無奈走人,先行到自動售票機,遇上有途人經過,慌失失走入 Starbucks,跟住人龍扮排隊,直至有途人跟住自己隊尾,她又無幫襯,走回門外偷望張景淳是否已買完飛。


張景淳排隊買飛,菊梓喬死跟,被對方要求彈開保持距離。

 

邊行邊飲的張景淳,順手將手上的飲品遞俾菊梓喬。

 


菊梓喬坐上司機位,載張景淳齊齊返回男方於將軍澳的住所。

 

菊梓喬熟手地以車尾駛入村,明顯對張景淳屋企附近的地形好熟悉。

身世可憐曾被棄養
點睇都唔似三十一歲的菊梓喬,外表似小家碧玉,實質身世慘過粵語殘片,細細個父母離異,在她十三歲那年,父母分別棄養 Hana兩姊妹,要靠社工協助維持生活,最後焗住停學打工養細妹,好幾年要一個即食麵分兩日食,甚至餓暈街頭,但最 hurt還是重遇父母被當成陌路人,「佢哋話無論而家佢哋嘅家人點樣都同我哋無關。」 Hana眼紅紅憶述。
雖然泊到無綫旗下的星夢娛樂出碟,但 Hana頭半年未有歌派台,無工作,自然零收入,幸好有做文職的妹妹撐住,先至捱到今日。最重要是時來運到,遇上一姐吳若希大肚生仔,公司想捧的何雁詩掛住瘟仔,負面新聞多到永不翻身,令轉投新公司只有一年的 Hana執到好籌被力捧,橫掃今屆《勁歌金曲頒獎典禮》。


首次做倒數活動搵真銀的菊梓喬,有幸孖住《 Running Man》的金鐘國齊齊出騷。

 

兩人毫不避忌在 Ig晒情侶錶,菊梓喬更公開發表愛的宣言,大膽。

 

 

 

過夜好熟路
由於男的在電視圈掙扎求存,女的簽約「星夢」只有一年,加上講到明力捧,而且老闆何哲圖經歷過鍾嘉欣同吳若希都忽然大肚結婚打擊,所以唔鍾意囡囡掛住拍拖會影響事業,如果被發現拍拖隨時被送入雪櫃,所以兩人極度小心,十足偷情一樣,凌晨電影散場,他們刻意等其餘觀眾散去才離開,起初兩人保持成個身位距離,但眼見商場人影都沒有才敢愈行愈埋。沿途張景淳從袋中取出一支飲品,自己飲過兩口,順手遞俾 Hana飲,兩人的關係又豈只朋友咁簡單。他們行去商場外準備上張景淳坐駕,他走到車尾箱將手上的一袋二袋放好, Hana就自動波坐上司機位做柴可夫,連車都任由女友揸,他們目標明確向住將軍澳進發,車輛駛到張景淳位於馬游塘村的村口時, Hana轉軚以車尾駛入,明顯熟「架步」,知道村內只有單程路出入,方便日後出車離開。


榮升為星夢頭寵,菊梓喬出席頒獎禮,揸 fit人何哲圖一定傍到實。



張景淳同華姐宋雙佳拍拖期間已經以白色車代步,早前兩人 N度分手。

 


當年受力捧的鍾嘉欣又是忽然大肚生仔,自此拍拖成為星夢藝人的忌諱。

 

昔日同宋雙佳拍拖期間,張景淳曾一腳踏兩船,同 Hotcha的 Regen撻着。

 

何雁詩同鄭俊弘愛得痴纏,人氣插水,間接斷送自己受公司力捧的大好機會。

甩拖即撻着
咪睇 Hana同張景淳一個歌手、一個演員,好似大纜都扯唔埋,查實男方未拍劇前是三人組合 Cheers的成員,私下成日夾 band,同曾經是 rock band主音的 Hana識於微時,兩人一直分屬好友,直至早前張景淳同華姐女友宋雙佳 N度分手,兩人的共同朋友發現二人的關係開始起變化。
「佢哋識咗好多年,都知佢哋好 friend,但係 Stanley(張之洋名)甩拖嗰排,成日見到佢搵 Hana,之後 Hana又搬近 Stanley,仲俾我哋眼利嘅 friend發現佢哋喺 Ig晒情侶錶,明顯有嘢!」張景淳身邊人透露。

「有米富二代」

一一年在《天與地》飾演少年版許家明,令張景淳一度人氣急升,可惜無以為繼。


已經三十六歲的張景淳,家底豐厚,父母經營飲品代理生意,自幼移民加拿大, 03年才回流返港,曾加盟劉德華的「加際娛樂」,與莊嘉敏及陳逸樵組成 Cheer樂隊入行,其後解約加入無綫, 07年參加無綫藝員訓練班後,擔任《東張西望》外景主持,直至 11年,憑住劇集《天與地》「家明」一角彈起,但之後未再有代表作。
感情生活方面,曾與華姐宋雙佳拍拖多年,其間卻被斷正扮單身偷嗒 Hotcha成員 Regen,搞到分手收場,緋聞不絕。

撰文:娛樂組
攝影:陳亦龍、李溢敏、余一駱

文章標籤
創作者介紹

明星八掛大分享★☆

tvb4life 發表在 痞客邦 留言(0) 人氣()